Ula Tirso, 29 de maju 2007. Unu fatu nòdidu, galanu. Tropu deghile pro cuss’oligarchia chi at intregradu sa vida sua a minimare e denegare s’identidade linguìstica (e unitària) sarda. E chi no at devenire mai “notizia” pro sos giornales italianistas impignados a isparare a balla contra a sa limba sarda. Una chimbantina de giòvanos, chi traballant in sos isportellos linguìsticos, si sunt dados apuntamentu in sa bidda de su Barigadu pro si auto-formare.Sighit ...
 

Maria Antonietta Piga est sa diretora, giovana e finas galana, de s’ufìtziu de sa limba sarda de sa provìntzia de Nùgoro. Reghet s’incàrrigu cun modèstia (finas tropu) e cun su risu chi at sèmpere pintadu in lavras. At mustradu a totus chi sa polìtica linguìstica si podet fàghere finas cun s’allegria e sena arrenegu e disaogu fitianu.Sighit ...
 

Saludi a Vossignoria su Presidenti de sa Sardigna, fiat de meda chi depia iscriri a fustei, ma immoi puru su tempus est pagu, duncas m'appa limitai a s'essentziali. Ia a bolli arregodai ca occannu chi benit at a essi su de duxentus annus de sa morti del Giommaria Angioy, po custu avanzu umilmenti sa proposta chi Sa die de sa Sardigna siat destinata a custu eventu.Est necessariu chi su sardu diventit gradualmenti, ma non prus sporadicamenti o volontaristicamenti, una materia chi intrit regolarmenti e ufitzialmenti me in s'insegnamentu de is iscolas de s'infantzia, fintzas a is superioris, comenti a studiu de sa grammatica e de sa storia, ma puru comenti a limba de insegnamentu, de conseguentzia maistus e professoris depint teni passientzia e medas despregiatoris de su sardu, si depint poni a ddu studiai.Sighit ...
 

E giai fiat ora! Calicunu chi non narat, pro sa presse o pro su machine de unu pregiudìtziu, chi sa LSC cheret refudada, est un'impiastru, una miscraredda sena cabu nen coa. Lucio Angelo Porcu, difatis, faghet crìtica, in su sensu etimològicu de sa paràula, chi est de “seberare, giuigare”. Est a nàrrere pregontare pro ischire, abèrrere sa dibata pro megiorare. Ca si benit tancada una ghenna, naraiat donna manna mia - a s'otieresa -, si podet abèrrere unu balcone. E dae su balcone intramus oe, pro compidare su lèssicu. In Sardigna pro su chi in italianu si narat “finestra”, in inglesu “window”, in frantzesu “fenêtre”, in ispagnolu “ventana” e in tedescu “Fenster”, b'at prus de una paràula.Sighit ...
 

Saludi a Vossignoria su Presidenti de sa Sardigna, fiat de meda chi depia iscriri a fustei, ma immoi puru su tempus est pagu, duncas m'appa limitai a s'essentziali. Ia a bolli arregodai ca occannu chi benit at a essi su de duxentus annus de sa morti del Giommaria Angioy, po custu avanzu umilmenti sa proposta chi Sa die de sa Sardigna siat destinata a custu eventu.Est necessariu chi su sardu diventit gradualmenti, ma non prus sporadicamenti o volontaristicamenti, una materia chi intrit regolarmenti e ufitzialmenti me in s'insegnamentu de is iscolas de s'infantzia, fintzas a is superioris, comenti a studiu de sa grammatica e de sa storia, ma puru comenti a limba de insegnamentu, de conseguentzia maistus e professoris depint teni passientzia e medas despregiatoris de su sardu, si depint poni a ddu studiai.Sighit ...
 

Duos artìculos, isparados a coete dae La Nuova Sardegna domìniga colada mustrant mannàrias e misèrias de sa libertade de imprenta. Est cosa manna ca cada unu podet, impreàndela, nàrrere su chi cheret. Est cosa misèrrima ca custa libertade non apretat nemos a sa seriedade de contare cosas beras o nessi cosas chi a su beru si simìgiant. E gasi, sena pagare perunu prètziu, Eugenia Tognotti podet iscrìere chi su sole girat a in ghìriu de sa terra, chi Zuliu Tzesare est mortu in su sonnu e chi sa Limba sarda comuna un’Ogm. Sighit ...
 

Istimadu Gianfranco Pintore, apu lìgiu cun interessu mannu sù chi at iscritu. Bollia bos respunder a puntu po puntu ca ddu mèritat.Mi dispraghet a si lu narrer, ma deo no apo istudiadu in sas universidades sardas ei su dotoradu miu dd'apo fatu in Parisi, Frantza. In s'Universidade de Casteddu seu chircheri cunfirmadu e no tengio meri, ne inoghe ne afforas. Sos "barones" mios connoschent bene canto seo dispustu a pagare pro sa libertade mia. Mi dispraghet ca Vostè cunsiderit ca donnya idea chi no ddi praghet dipendat de su fatu ca sos àteros sunt de su Partidu opostu a su suu. Sighit ...
 

Cale est su lessicu de sa LSC? E cale funtis sas regulas de impreare pro chie depet iscrier in custa limba ? A custas preguntas no est chi si podet responder in presse in presse. Analizande totu su documentu chi sa cummissione LSC a bogau a pizu, su problema prus mannu chi apo agatau est su chi ddue funtis una pariga de cosas chi non torrant. In prus, faghet arrier totu s'attentzione de iscrittores chi ant semper manizau s'italianu comente limba, chi como narant "valorizziamo le varianti locali". Bene meda: ma puitte no ddu faent?Sighit ...
 

Diretore istimadu, apo lìgiu sos artìculos de Bolognesi e Antoni Maria Pala feti oe, e chèrgio respunder a pithus de duos puntos importantes. M'est praxu meda s'artìculu de Pala e lu ringràtzio de su tonu chi at imperadu. Deo creo ca in Paùle incapas bi fit tropu emotzione e àteras cosas meda. Ma tando deo no bi fit e duncas no potho narrer pròpiu nudda de sù chi est sutzèdiu. E no bi fit ca fia a 10.000 km de distàntzia e no nde podiat torrare. Sighit ...
 

Arresonende de sos resultados de s’inchesta de sa Regione subra a s’usu de su sardu non tenia peruna duda de s’èsitu, antis mi paret chi sos datos chi nche sunt essidos a pìgiu siant finas tropu bonos. Ses annos a como aia progetadu un’inchesta iscientìfica pro averguare s’usu de su sardu e de su gadduresu in tres comunas de sa Sardigna de Susu postos in sa làcana intre de sardu e corsu. S’issèberu de tres biddas minores (Perfugas, Laerru e Erula) est istadu fatu propiu pro bìdere cale siat sa situatzione bera de sa limba in sas biddas. Sighit ...
 

Sa provìntzia de Aristanis sighit in sas atividades suas de formatzione de sos dipendentes pùblicos e de sos tzitadinos interessados a sa limba ufitziale. Sos atòbios ant a partire dae martis chi benit su 29 de maju in Ula Tirso cun unos cantos seminàrios chi ant a aprufundire sos temas giai tocados in sos cursos de formatzione fatos in custos meses in paritzas comunas de su territòriu. In su tzentru sotziale de sa bidda serente a su lagu Omodeo est in programma a oras de sas 9.30 s'atòbiu cun Marco Stolfo, dirigente amministrativu de su setore limba de sa Regione Friuli Venètzia Giùlia, e Domenico Vassallo, espertu de programmas comunitàrios europeos. Est una faina chi punnat a sa formatzione de sos operadores de de totu sos Isportellos linguìsticos comunales. Sighit ...
 

In limba italiana si pilissant non pagu sas ideas cando si pretendet de chistionare de ordinamentu e de fratzionamentu impreande pro s’unu e pro s’ateru cuncettu sas matessi paraulas. In italianu, primo secondo terzo quarto egs (e gosi sighende) s istant a inditare su postu chi in unu imparis bene ordinadu segundu unu criteriu acupant sos elementos suos. Sentza ch’intrare in prufundidade in s’argumentu, custu sutzedit sempere cando s’imparis de su cales semus chistionande est numerabile: est a narrere cando sos elementos suos si currispondent s’unu s’ateru cun su tretu a cumintzare de sos numeros naturales.Sighit ...
 

Pro Alessandro Mongili, chena categorias, ca semus totus in sa matessi gama. Mi piaghet a iscrìere e pro cussu una deghina de lezidores mi mutint finas poeta e iscritore. Su disizu prus mannu cando cuncordo carchi iscritu est chi benzat cumpresu in bona parte. Tenzo finas unu sònniu a serrada de faina. Si narat comunicatzione profetosa. Est su pessare de dare carchi imparu a chie mi lezet, cun s’ispera chi mi lu torret, a mie chi de imparare dae totus, non so mai sustentuSighit ...
 

Comente narait su maiustru de chimica chi apo tentu in s'iscola superiore, su mundu est partziu in duas calidades de personas: bonos e malos, sos chi tenent gana de triballare, e sos mandrones. Cando d'iscurtaio medas bortas pentzaio chi fiat una manera de bier sa vida unu pagu estremista, ma como ddi depo giare arresone.In sa "chistione de sa limba sarda", cumunintzande de sa LSC, si podet fagher su matessi resonamentu de su prof mentovadu in susu.Sighit ...
 

Alessandro Mongili e Marco Pitzalis leant sas partes de sos mastros de sas universidades sardas chi ant fatu sa chirca a pitzos de sa limba sarda. Sa chirca est sèria e sos resurtados sunt su frutu prus ladinu de custa seriedade, narant. Ma no est de custu chi semus arresonende sos crìticos de sos pregiudìtzios chi ant reguladu sa chirca. Finas unu chi tenet pregiudìtzios, craru, podet cuncordare un'indàgine sèria chi batit a resusrtados sèrios. Contant in Amèrica comente si podet impabrastulare sas cosas.Sighit ...
 

Intervista a Roberto Bolognesi, catedràticu olandesu nàschidu in Iglesias. Est unu collaboradore fissu de su diàriu nostru. No est de cuddos chi cuant su chi pensant e narat deretu in cara su chi depet nàrrere. Paranòmenes e islogans chi issu at aghiadu dae custu giassu sunt bènnidos connotos dae totus sos chi si interessant a sa limba sarda. In prus però est unu chi àplicat su mètodu iscientìficu a sos istùdios suos cun rigore e aficu. Cun sas chircas suas at mustradu a su mundu comente Wagner fiat ideològicu e at “riabilitadu” sas variedades meridionales de su sarduSighit ...
 

Torinu, 12 de su mese de maju 2007. Fiera de sos libros in su casamentu de su Lingotto. Oras ses de merie. Unas cantas minorias linguìsticas presentes in s’istadu italianu si cunfrontant e resonant in s’ispàtziu de sa Regione Sardigna. B’at ideas, puntos de ida e meledos diferentes. Un’ùnica punna: traballare pro sighire a contivigiare sa cultura de sa diferèntzia. S’Itàlia nde tenet bisòngiu, paris cun s’Europa. Sighit ...
 

Cun percentualis bùlgaras sos rispondidoris ant declarau ca giai, ca connoscint su sardu, ca giai, ca ddi praxiat a ddu'mperai de prus in is iscolas e in is uffìtzius puru, e, mancai cunfùndius, ca funti partzialmenti de acòrdiu cun s'idea linguìstica unificadora. E peròu ddu chistionant pagu in situatzionis pùbricas e no ddu funti trasmitendi a is pipius e a is pipias (sighendi probabilmenti sa ratio: asinunca it'ant a pensai is bixinus, ca seus arretraus? opuru atras de verificai e indagai). Sighit ...
 

Su noighentos at bidu sa limba sarda indebilitada meda in cunforma de s’italianu, mescamente in sos ùrtimos tempos cando s’iscola e sos mèdios massivos in limba italiana si sunt fatos fitianos e sunt intrados in sa forma mentis de sa gente. Su sardu, belle alindadu dae totus sas funtziones pùblicas e dae s’impreu normale e ufitziale, at agatadu amparu in s’ungrone intimìsticu de sos afetos, de sa famìllia e de s’amistade, bortende a bias sa mirada cara sos ammentos e unu psèudo-connotu e castiende a su benidore cun dudas e pensamentos mannos. Sighit ...
 

In is biddas sardas sigant a cumassare semper is variedades issoro, ca custu cherimus: semus fraighende sa cobertura (“lingua tetto”) pro chi non proat intro su palatzu inue agatant amparu totas is variedades de su sardu, dae Tula a Domus de Maria. 
Cale si siat acontzu chi fatzamus in unu apartamentu, serbit pagu e nudda si posca, in su palatzu in ue est assentadu, sa cobertura est isfundada: s'abba chi crebat e arruinat muros e fundamentas, a bellu a bellu, at a falare a giosso...Sighit ...
 

A chie non de cheret nudda de sardu, in perunu logu, ca cheret petzi s’italianu, meda li costat a lassare chi su sardu andet e giompat e intret in onzi logu a su massimu gradu, comente sunt faghende su bonu de sas limbas de minoria? Bisonzu b’at de si mantzare de dilincuèntzia intelletuale o de che pèrdere sa salude personale? Diat èssere bene fatu a tènnere tantas boghes, chena giornalismu teracu, cussu diversamente abile chi at seberadu su mudore chi insurdat, finas cando procurende de moderare su difetu de maestria mediadora de sos iscientziados nostranos, su Presidente – in legìtima difesa - s’at bogadu sa lepa. Sighit ...
 

Caro direttore, ho letto con interesse il redazionale militante nel sito della vostra rivista on-line. Tu sai, che nella mia fibra vi è una naturale vocazione politica. Ciononostante, o forse per questa ragione, ho fatto voto scientifico di fuggire i giudizi di valore e ogni sorta di moralismo, normativismo, prescrittivismo, politicismo dai miei orizzonti di ricercatore. Purtroppo, la ricerca che alberga nell'accademia italiana è spesso inquinata da quei vizi. .Sighit ...
 

Chie no est bènnidu sàbadu su 5 de maju in Paulilàtino pro sa presentada de sos datos sotzilinguìsticos at pèrdidu una die istòrica. Renato Soru at faeddadu in sardu a sa fine de sos traballos e at craridu cale ant a èssere sos passàgios polìticos benidores de sa Regione. A bisu de su Presidente est tempus de insignare sa limba a sa sèria in sas iscolas, de pònnere puntos in prus in sos cuncursos pùblicos pro sos faeddadores e de sighire sa polìtica de unidariedade de su sardu cun sa Limba sarda comuna. Sighit ...
 

Contados gasi, canteddu a sa grussa, sos resurtados de sa chirca universitària subra de sa limba sarda custu bogat a craru: su 97 pro chentu de sos sardos o faveddant o cumprendent sas limbas de Sardigna. Petzi a su 3 pro chentu o pro gosi o pro gasi no l'interessat. Su fatu istat, est pro custu tres pro chentus chi traballat sa sienda culturale e mediàtica in Sardigna.Sighit ...
 

Finzas s’Ozzastra tenede unu premiu litterariu in limba sarda. Dae un’istudiu urtimadu dae pagu e fattu dae Sarbadore Tola, autore de medas liberos, pro sos chinbant’annos de su premiu “Ozieri”, est bessidu a foras chi mai s’Ozzastra hat tentu unu premiu litterariu in sardu. S’unica esperienzia segnalada est istada “Istillas de lentore” de Ulassa, cuncursu fattu in su duemizzaechinbe.Dopo duos annos s’associazione culturale ulassesa “Sa perda e su entu”, chi had organizzadu sa gara poetica, hat decisu de faghere, cun s’azzudu ‘e su Comune ‘e Ulassa, sa segunda edizione de su premiu.Sighit ...
 

Sos sardos in majoria cherent su bilinguismu ufitziale a ogni livellu de sa sotziedade. Pensant chi su sardu depat èssere insegnadu in iscola. E, a ispantu e meravìgia, promovent finas s’esperimentu de sa Limba Sarda Comuna. Sunt custos sos primos datos “polìticos” de sa Chirca Sotziolinguìstica presentada oe in Paulilàtino chi cunfirmant su chi si naraiat dae tempus finas dae custas pàgines: sa popolatzione cheret un’identidade linguìstica sarda chi una parte de sa classe dirigente finas a como at blocadu. Sighit ...
 

Ant a èssere presentados in Paulilàtinu sàbadu su 5 de maju sos risultados de sa Inchesta sotziolinguìstica cumandada dae sa Regione a sas universidades sardas. A sas 9 e mesu de mangianu, in cara a su presidente Renato Soru, paritzos relatores ant a faeddare subra sas ideas, parres, opiniones, avesos e impositos de sa popolatzione sarda subra sas chistiones linguìsticas chi pertocant sa Sardigna. Sighit ...