[Carrus Cristiano assessore provìntzia de Aristanis]

Sa provìntzia de Aristanis sighit in sas atividades suas de formatzione de sos dipendentes pùblicos e de sos tzitadinos interessados a sa limba ufitziale. Sos atòbios ant a partire dae martis chi benit su 29 de maju in Ula Tirso cun unos cantos seminàrios chi ant a aprufundire sos temas giai tocados in sos cursos de formatzione fatos in custos meses in paritzas comunas de su territòriu. In su tzentru sotziale de sa bidda serente a su lagu Omodeo est in programma a oras de sas 9.30 s'atòbiu cun Marco Stolfo, dirigente amministrativu de su setore limba de sa Regione Friuli Venètzia Giùlia, e Domenico Vassallo, espertu de programmas comunitàrios europeos. Est una faina chi punnat a sa formatzione de sos operadores de de totu sos Isportellos linguìsticos comunales. 


S'àmbitu de aplicatzione legislativa est cussu de sos progetos de lege 15 de nadale 1999 n. 482 - annualidade 2004 cun particulare riferimentu a sas normas in matèria de tutela de sas minorias linguìsticas istòricas. Sos entes interessados in s'organizatzione sunt sa Presidèntzia de su Cussìgiu de sos Ministros-Dipartimentu de sos Afàrios Regionales, sa Regione Autònoma de Sardigna Assessoradu a sa Cultura, s'Ufìtziu de sa Limba e de sa Cultura Sarda de s’Amministratzione provintziale de Aristanis. Ant collaboradu finas sas comunas chi ant partetzipadu a sos progetos de formatzione fatos in cada bidda: Albagiara, Ales, Ardauli, Asuni, Bidonì, Bonarcado, Cabras, Curcuris, Fordongianus, Ghilarza, Gonnoscodina, Gonnosnò, Laconi, Modolo, Mogoro, Montresta, Oristano, Paulilatino, Scano di Montiferro, Samugheo, Sedilo, Senis, Solarussa, Terralba, Tinnura, Ula Tirso, Usellus, Villaverde, Zerfaliu. 


Sos seminàrios ant a iscaretzire diferentes temàticas chi interessant sa polìtica linguistica: Sa Limba Sarda in s’Amministrazione Pùblica pro sos dipendentes de sa Provìntzia e de sos Comunes, sa promotzione de sa cultura, sa cunditzione linguìstica in Sardigna, sa Crèsia - inculturatzione e prassi, sas àteras limbas de minoria, sa Carta de Logu, sa literadura e poesia, sos atos amministrativos istòricos in sardu, sos mèdios de comunicatzione, s’Amministratzione Pùblica. Su coordinamentu est a incuru de Tore Cubeddu e Marinella Marras de s’Ufìtziu provintziale de sa Limba e de sa Cultura Sarda de Aristanis. 

PROGRAMMA CUMPLETU 


atòbiu cun, Marco Stolfo e Domenico Vassallo
ULA TIRSO 29 de maju 2007 - Tzentru Sotziale - a sas 9.30

atòbiu cun Bachisio Bandinu, Placido Cherchi e Salvatore Cubeddu
GONNOSCODINA 31 de maju 2007 - Oratòriu - a sas 17.00


atòbiu cun Marinella Lorinczi e Anna Oppo
CABRAS 5 de làmpadas 2007 - Museu Tzìvicu - a sas 17.00

atòbiu cun Antonio Pinna, Raimondo Turtas, Roberto Caria e Gigi Sanna
ORISTANO 8 e 15 de làmpadas 2007 - a sas 17.00
Aula magna Istitutu Iscièntzias Religiosas, carrela Cagliari, 179


atòbiu cun Vittorio Dell’Aquila, Antonello Garau e Giovanni Murru
TERRALBA 12 de làmpadas 2007 - Teatru comunale - a sas 17.00

atòbiu cun Mario Cubeddu e Ester Gessa
GHILARZA 14 de làmpadas 2007 - Sa turre (torre aragonese) - a sas 17.00


atòbiu cun Duilio Caocci, Alberto Masala, Paolo Pillonca e Salvatore Tola
ASUNI 19 de làmpadas 2007 - Teatru comunale - a sas 17.00

atòbiu cun Francesco Carboni, Sebastiano Fenu e Carlo Pillai
CURCURIS 21 de làmpadas 2007 - Àula de su Cussìgiu - a sas 17.00


atòbiu cun Piersandro Pillonca, Gianfranco Pintore, Mario Tasca
SAMUGHEO 26 de làmpadas 2007
Museu ùnicu de s’arte de sa tessidura sarda - a sas 17.00

atòbiu cun Giuseppe Corongiu e Antonello Garau
MOGORO 29 de làmpadas 2007 - Aula de su Cussìgiu - a sas 17.00


Pro informatziones: Provìntzia de Aristanis UFÌTZIU DE SA LIMBA E DE SA CULTURA SARDA
Tel 0783/3683.203 Fax 0783/3683.206 e - mail: ufitziulimbasarda.or@tiscali.it