Sa comuna de
Livinallongo, provintzia de Belluno, at pregonadu unu Cuncursu natzionale de Poesia po sas limbas de
minorias.
"Mendrànzé n
poejjia" est abertu a totu sas limbas de minorias italianas
(fintzas cussa sarda). Si podent imbiare tres poesias cun sa tradutzione italiana a su
costadu. Diat èssere bellu a participare in medas comente sardos po una testimonia de bonas relatas e cumcàmbios intre grupos minoritarios
diferentes. S' iscadentzia est fissada a su 31 de su mese de Maju chi
enit. Inoghe su regulamentu
24/02/2006
Ideas e progetos
Pro una presone prus lèbia de Elisabeth Ledda
"Progetu Sardigna": como si podet chistionare in sardu fintzas in sos istitutos de
presonia. Custu su nòmene de una bella atividade culturale e umana chi su Ministeru de sa Giustesa at promossu pro tutelare sas minorantzias limbísticas istóricas in sos
penitentziarios, ponindhe fatu a su chi nat sa leze 482/99.
Est torra in programma po martis 28 de su mese de freargiu a sas chimbe de merie in Roma sa setziada de su Senadu de sa Republica chi diat dèpere aprovare sa Ratifica de sa Carta Europea de sas
limbas. In sa de su 21 s'assemblea no at traballau a pitzu de su testu cun sa motivatzione ca sas cummissiones non aiant acabbau
s'iscumbatu de sos
articulos.
Su consigieri regionale de
Rifundatzione, in su dibbatu po sa
finantziaria, pedit dinare a su presidente Soru po annoare sas domos de Gramsci in Ales e Ghilartza
Est de importu a sinnalare
s'ispetàculu galanu postu in iscena in
Casteddu, calencuna die a
como, dae sa cumpagnia
Bocheteatru. Si tratat de
"Mialinu 'e
Crapinu", arresada bogada a campu dae su romanzu esistentziale de Michelangelo Pira,
"Sos
sinnos".
Sa pellìcula-documentàriu
"Casu" at a éssere presentada mercuris 22 de freargiu in Casteddu in sos locales de sa Sociedade Umanitaria (Viale Trieste 126) dae sas oras 17.00. Autores sunt Anne Østhus Halvorsen e Raffaele Angius po unu traballu a cumone
sardu-norvegesu. S'opera est girada in Biddanoa Monteleone
Est in programma po martis 21 de su mese de freargiu a sas chimbe de merie in Roma sa setziada de su Senadu de sa Republica chi diat dèpere aprovare sa ratifica de sa Carta Europea de sas
limbas. Calencuna die a
como, sa matessi lege no est colada ca in s'aula non si ddue at presentau
nemos. Martis chi enit est
puru, po
s'Unesco, sa Die de sa Limba Materna.
16/02/2006
Atòvios de cultura Su cantu a tenore pro totu su mundu de Manuela Mereu
Po incominciare a intrare in cust’andala de trabballu e de impignu, su sótziu de Ulíana “Sos Hustumenes” in paris cun Su Tenore Ulianesu, e in s’agiudu de sa Província de Núoro e de su Museo de sas Mascheras de Mamujada, sapadu 4 de frearzu at ammaniau un’atóviu in sa bidda ulianesa dae su títolu: “SU HANTU A TENORE E TRATTAS DE PASTORALISMU”. Un’atóviu po incominciare a chistionare de sa valura de custu prémiu arriciu dae s’Unesco e po comente si podet traballare po chi custu reconnoschímentu no abbaret peci una cosa de bogare a campu a su bisóngiu. E po bíere puru comente nos podat aggiudare a mantènnere custa ricchesa manna.
Chenabura 17 a sas 6 de
sero, Antoni Arca, in sa libreria odraghet de
Tatari, chi est in sa carrera "torre tonda" at a presentare su libberu de Nanni Falconi "Sa gianna
tancada". Bi at a essere Frantziscu Cheratzu
Giuanni Maxia e s'alter ego suu Pablo Pascal atòbiant is amigus de sa poesia dogna martis in Casteddu
10/02/2006
Libros Iscriere in làcana de Maria Luisa Sòtgiu
“Grenzeräume – Eine literarische Landkarte Südtrils”, ovvero “Terre di frontiera - una mappa letteraria dell’Alto Adige”, edito dalla casa bolzanina.Retia: Un’ Antologia.
Làconi - In sa sala prena a intipu de su centru culturali s'est fata, sabudu su
4
de freaxu
passau, sa presentada de su libru de Elia Lai
"Isteddos"
(Domus de
janas).
In Roma sa primu riunione de su
"Comitau po sa costitutzione de sa Cunferentzia permanente de is minorias
limbisticas". Su primu atòbiu de custu organismu importate s'est fatu in su Ministeru de is Afares Regionales a sa presentzia de sos rapresentantes de sas
minorias, de sos àteros ministeros
interessados, de
regiones, provintzias e
comunas. Su ministru Enrico La Loggia at presentau unu disinnu de lege po sa costitutzione de sa
Cunferentzia. Publicaus inoghe sa parlata de su
ministru.
Su presidente de su Consìgiu Regionale in su cunvenniu de
Tàtari: <Eo etotu bidia
s'unificatzione comente artifitziale ma como mi nde so sapiu ca nos permitet de nos fàghere reconnoschere foras e de mantènnere totu is faeddadas
locales>. Pro Marco Stolfo (Regione Friuli): <Nois aus aprontau una grafia
ùnica, ma
s'oralidade no est unu
pròblema".
Sa linia de preténdere duos istandard po sa limba sarda
(unu
"campidanesu" e
s'àteru
"logudoresu") no tenet nudda a ite biere cun Norvégia e
Ladinia. Assimbigiat de prus (si est lìtzitu a faere custos paragones chi sunt sèmpere
arbitràrios...) a sa chistione chi ddue est intre catalanos-foeddantes de Catalunia e cussos de sa Valencia, chi faeddant catalanu cun calchi variatzione de pagu
contu. Ma sa polìtica filoispagnolista de sos partidos valentzianos at istrumentalizau sas pìticas diferentzias de sas duas variedades fintzas a ispinghere sos valentzanos a faeddare de
"limba
valentziana" e non catalana.
Resurtau: sa Catalunia est una
natzione, mentras s'Unione Europea at umiliadu sa Valencia.
Su prèmiu Nobel chi chistionat su sardu. “Crònaca de una morti annuntziada”: su libbru chen’e tempus de Gabriel García Márquez furriau in sardu de Ivo Murgia e pubbricau de sa Condaghes de Frantziscu Cheratzu. Innoi sa presentada de su tradusidori.
Botzau su ricursu propostu de su comitau "Firma sa bomba" contras a
s'inammissibiliadade de su referendum contras a sa base militare de La
Madalena. Inoghe podides légere sa senténtzia
intrea.
Su Consigiu provintziale de Tàtari proponet una lege pro sa die de sa memoria po no ismentigare sa Shoa chi sos giudeos ant depiu
bajulare. Inoghe su testu de s'ordine de sa die de
traballos.
S'abogau candidau a sas primàrias de su centrumanca po s'area
sardista. Su programma:
"dogni populu tenet deretu a
s'identidade sua" . Chie si dda sentit andet a ddu votare.
