10/02/2006 Poesias 

Sindacados

de Daniela

SINDACADOS



Sos Sindacados chena cussentzia 

a sos ogos meos, 

non ant peruna cumpetentzia

Peri patzientzia, e puru sa presuntzione

de pessare sempere de ischire sa letzione



E custa letzione la faghent a totus

mannos, piticos e a su populu nostru

Arrivant dae Roma 

e ischint giai totu

e totunu pro maghia est fatu su giocu!



Sa veridade,

isfortuna nostra,

est belle e divescia dae cussa chi ti mostrant

Defendere s’operaiu lu narant a boghe manna

Ma mai ant a aere sa giae pro t’ aberrere sa janna



A totu promitint tribagliu siguru

E in sa vida issoro mai ant tribagliadu

Sa mobilidade a sos operaios

sas fabricas tancant ma bi pessat s’Istadu



E s’istadu chi pagat cun su dinare nostru

gai sighit a tennere custos disocupados 

chi dae barant’annos pro s’industria bella

ant lassadu arveghes, boes e vitella.



Ma sos sindacados cale solutzione?

Assumere totus e gai sa rejone!

Detzidere in giunta e guvernare puru

“Si peset Soru e logu a sos GURU”!



Ma ite ant fatu in totu cust’annos

Pro Sardigna nostra miserina de issa?



E cando su tribagliadore

giamat sos sindacalistas… 

Adiosu de abberu a sa giustitzia!



Si pro malu affare de mobbing e ateras chistiones

“Tengiat passientzia su tribagliadore”



Sos sindacalistas perdida sa balentia…

Isparint e pro maghia …”a t’arrangiare chi sia!!”



Daniela

A segus