SU GIASSU
Domo
Ite est Diariulimba
Sa gerèntzia de Diariulimba
Su Sòtziu Limba Sarda
Organigramma de su Sòtziu
LINKS
ARCHIVIU annu pro annu 
Pro retzire sa lìtera de noas
ISCRIENOS
diariulimba@sotziulimbasarda.net



Diretore: -       Coord.Editoriale: Micheli Ladu
CHISTIONES

18/06/2008 
Versus vs Versus: chie binchet?
[de Micheli Ladu]

E bi torrat custa chirca sotziolinguìstica. In sa retza b’at s’inghitzu de unu desafiu chi paret no acabet o chi siat acabadu sena mancu cumentzare. Àteru de partidas de Euro2008: cross, tackles, penalty, off-side. Sas iscuadras s’ammesturant in sos girones, wagnerianos contra a no wagnerianos, cunservadores vs annoadores, pertzetziones iscientìficas contra a iscièntzias pertzepidas, campidanesos vs logudoresos, chirca iscientìfica contra a semplificatzione netzessària, màllias de discontinuidade vs continuum, polìtica linguìstica vs linguìstica polìtica. 


Ma est petzi su printzìpiu. 


“Mister L.” est apretadu in s’ungrone de sa metade de campu sua ma abbarrat cuntentu ca de perras nde b’ant duas, gasi comente l’ammentaiat su maistru suo comomai mortu. Catenaccio e melina a istzofadura.


Ma no at postu in contu su “giogu totale” che a su de s’olandesu Cruyff impreadu dae s’orange “Mister B.”. Bisione cumpleta, amparu de cada cantu de terrinu, onni ungrone una parte de campu de totus.


Est chistione de tempus: a bellu∙a bellu intrant e essint dae sa cumpetitzione unu muntone de gente; in su girone de Wagner, sas matessi pessones chi l’ant prantadu òdiu ca fiat unu arcaitzista chi teniat menisprèssiu pro sas faeddadas de su meridione totu in una l’amant ca at partzidu su campu in duos. 


Ma si cualìficant dae su girone de sos annoadores cussos chi ammentant chi de logudoresos cussu cunservadore tedescu nde bidiat medas e medas nde b’at de campidanesos. Sighit galu s’ammesturu de girones e eliminatziones sena pasu e essint a campu fintzas cussos chi pensant chi totu custu fortzis est una pertzetzione iscientìfica donada dae sa netzessidade de semplificatzione de una linguìstica polìtica ( o a s’imbesse si s’abbàidat a sa classìfica avulsa).


Est unu imbòrdulu mannu, carches e iscubidadas, in intro de s’àrea manna e cussa minore. S’ala falat in sa fassa, su pressing est artu, est prontu su cross.....ma....ma s’àrbitru de costàgiu càstiat a sa fassa, petzi duas? Cun totu sas isoglossas in campu? Mister B. est a tzèrrios, no in una de cussas fassas, est unu gùturu sena essida! de prus...de prus, comente petzi una o duas?! Imparade sa diagonale. Àrtzia, cala! S’àrbitru de costàgiu pesat sa bandera, no! Corpu de manu in intro de s’àrea (campidanesa, logudoresa o àtera?) Boh, difatis no est manu in àrea ma est manipolazione de àreas. Custu est roba de rigore (iscientìficu o mortis). S’àrbitru preguntat a su de bator:”Ma sa neghe de chie est?”


Intre càrculos de variantes locales e pertzentuales, si lompent in fines a s’acabu chi fortzis comintzu no at mai tentu: iscriende de LSC vs Camp vs Log vs variantes vs nois etotu, a bìnchere est istada un’àtera borta sa limba italiana chi non s’istracat mai de nos bìdere faghende su famadu “biscotto” dae nois matessi. Eliminados?

http://www.sardegnaeliberta.it/?p43

http://www.sotziulimbasarda.net/maggio2007/paulilatino.htm

http://www.sotziulimbasarda.net/maggio2007/chircasotziolinguistica.htm


http://www.sotziulimbasarda.net/maggio2007/atobiupaulilatino.htm

http://www.sotziulimbasarda.net/maggio2007/atobiupaulilatino.htm

http://www.sotziulimbasarda.net/maggio2007/mongili.htm

http://www.sotziulimbasarda.net/maggio2007/palapaulilatino.htm

http://www.sotziulimbasarda.net/maggio2007/intervistabolo.htm

http://www.sotziulimbasarda.net/maggio2007/pintorechirca.htm

http://www.sotziulimbasarda.net/maggio2007/mongigli.htm

http://www.sotziulimbasarda.net/maggio2007/mongigli2.htm

http://www.sotziulimbasarda.net/aprile2007/bolognesi.htm



 
 
 

 

 
diariulimba@sotziulimbasarda.net  © sotziulimbasarda 2004-2008,"e' vietato riprodurre articoli originali o estratti da questo sito senza l'assenso della direzione"