Si b'at àpidu duos entes chi in sos annos si sunt distintos pro sa polìtica linguìstica cussos sunt de seguru sas provìntzias de Nùgoro e Aristanis. Su cabu de logu barbaritzinu si podet nàrrere chi est istadu su primu, moende dae su 2002, a pònnere in òpera sos primos ufìtzios de sa limba isperimentados in Cuartu Sant'Aleni finas a su 2001. Sa tzitade giudicale, in ritardu de carchi annu, si fut posta in evidèntzia cun un'atividade manna de promotzione linguìstica in sos annos 2006-2007. Sighit ...
 

Pro ite custu time∙time de su cleru a dae in antis de sa limba sarda? Custa pregunta e àteras a pitzu de locale e globale, de cantonalizatziones de santos e de problemas de tradutzione sunt essidos a campu lunis 23 de làmpadas in su teatru de Sant’Eulàlia presentende cun Sarbadore Cubeddu su libru “Lingua sarda e liturgia” de sos autores Bachis Bandinu, Remundu Turtas e Antoni Pinna imprentadu dae sa domo de imprenta domusdejanaseditore fundada dae Pàulu Pillonca. Sighit ...
 

Sa Giunta Regionale torrat a dare alenu a sa tzentralidade de sa limba sarda in sas polìticas identitàrias suas. Su Guvernu Regionale at aghiadu duncas 39 progetos presentados dae consòrtzios de comunas e provìntzias pro s’impreu de sa limba sarda in s’Amministratzione Pùblica finantziados cun sa lege de s’istadu 482/99. Sighit ...
 

Il 9 giugno Paolo Maninchedda ha pubblicato sul suo sito (www.sardegnaeliberta.it) il seguente commento di accompagnamento a una lettera del Prof. Giulio Paulis al presidente Soru: “Non ho mai taciuto in nessuna sede la stima che provo per il prof. Giulio Paulis, vero e unico erede di Max Leopold Wagner per la linguistica sarda. Ho imparato moltissimo dai suoi libri e consiglio sempre a tutti di seguire le sue lezioni perché ha un’esposizione così limpida che consente una memorizzazione rapida e definitiva di tanti dati.  Sighit ...
 

E bi torrat custa chirca sotziolinguìstica. In sa retza b’at s’inghitzu de unu desafiu chi paret no acabet o chi siat acabadu sena mancu cumentzare. Àteru de partidas de Euro2008: cross, tackles, penalty, off-sides. Sas iscuadras s’ammesturant in sos girones, wagnerianos contra a no wagnerianos, cunservadores vs annoadores, pertzetziones iscientìficas contra a iscièntzias pertzepidas, campidanesos vs logudoresos, chirca iscientìfica contra a semplificatzione netzessària, màllias de discontinuidade vs continuum, polìtica linguìstica vs linguìstica polìtica. Sighit ...
 

Legende sas novas de Sotziu Limba mi so firmada unu pagu a pensare subra sos artìculos iscritos dae su Prof. Bolognesi e dae Antonella Licheri. Sa cosa chi mi paret de importu mannu est ca si comintzat unu dibbatitu de su ite fàghere e totu sos chi sun interessados dian dèpere iscrìere e nàrrere su chi pensan, sas propostas chi an de fàghere e, cando rechedet, po fàghere crìticas chi agiuden a totus a andare a innantis mèngius.  Sighit ...
 

A pustis de àere letu sas paràulas de Prof. Bolognesi, postas in su giassu de Diariulimba su 9 de làmpadas, so intrada in pensamentu. Mescamente cando torraia a lèghere sa fràsia: "discussione de importu basada a pitzos de un'ategiamentu nou, costrutivu e abertu". Est a beru, su chi servit oe in die a sa limba est a nos faeddare s'unu cun s'àteru, sena timorias, pompiende·nos in cara sena nos contare fàulas, ischende chi sa limba sarda at bisòngiu de s'agiudu de totus ca est prus morta chi non bia.Sighit ...
 

Bolognesi, in s’urtimu articulu chi at scritu, fait preguntas a is maistus po ddus fai nai ita ndi pensant de su sardu in sa scola, cali sardu fai imparai e cumenti ddu fai imparai.
Preguntas bellas e de importu, chi abisongiant de arrespustas arrexonadas.Ainantis de totu tocat a nai poita iat essi cosa beni fata cussa de imparai su sardu in sa scola, e deu nau: non sceti sa lingua sarda, ma puru sa storia sarda, sa geografia sarda, is traditzionis sardas e aicci de sighiu..Sighit ...
 

Cada pòpulu tenet su diritu de faeddare cun Deus cun sa limba cosa sua, cada limba tenet su sentidu suo, e sos sardos bolent faeddare cun Deus in sardu. Est aparitzadu pro lunis 23 de làmpadas a oras de sas 6 de merie s’atòbiu in su teatru de Sant’Eulàlia in Casteddu, unu cunvegnu-dibata a pitzu de sa limba sarda e de sa liturgia chi moet dae su libru de Bachis Bandinu, Antoni Pinna, Remundu Turtas de sa domo de imprenta Domusdejanas fundada dae Pàulu Pillonca.Sighit ...
 

Contaiat su biadu de Antonello Satta de unu tziu malintrannadu e contrasemper chi, intendendesi a puntu malu, a su compare nat chi l’at naradu: “Si mi nche mòrgio in Saragoza chèrgio chi m’interrent in Madrid e si mi nche mòrgio in Madrid chèrgio chi m’interrent in Saragoza”. E pro ite, compà? nat chi l’at dimandadu su compare. “Para fastidiar”.Sighit ...
 

Su “Beranu in su Màrghine” aparitzadu dae s’ASPEN e dae sa Comuna de Lei faghet sortire in sa bidda unu muntone de gente nointames unu tempus ierrale. A inchingiare sas dies de festa intituladas “cogones e contos” est un’adòbiu a pitzu de sa limba sarda comente istrumentu modernu e chi podet produire richesa.Sighit ...
 

Amigos istimados,
ant abertu, in custas dies, un’isportellu de sa sa limba sarda in Bolòtana. E pròpiu pagas dies a como sa Comuna at chertu amaniare un’addòviu pro faeddare de sa limba nostra. Sos traballos los at coordinados Giuanna Frantzisca Selis, responsàbile de s’isportellu.  Sighit ...
 

Bolognesi pedit reatziones, s'artìculu suo bogat a campu paritzas chistiones e totu de importu mannu.
Dae su piticu de cussa chi est s'esperièntzia chi seo faghende in duos àmbitos, comente operadora de isportellu de limba sarda e comente mastra chi faghet sardu in un iscola (pagas oras ma mègius de nudda) naro chi sa gente est comente "ignara" de su chi est capitende,  Sighit ...
 

Soe amigu de Platone ma so prus amigu de sa beridade. A su mancu, de sà chi creo siat sa beridade. Respeto meda a sa prof.ssa Lavinio, ma non so de acòrdiu cun issa, e creo chi s'ispìritu democràticu cunsistat in s'espressione lìbera de is divergèntzias. Chèrgio iscriere custa noda in custa gasi vituperada LSC, chi a mie no mi paret meda artifitziale, at a èssere ca l'assimìgio meda a s'aritzesu de iaia mia. Sighit ...
 

Tra pagu amus a tenner una lee noa po sa limba. 
Amus a tenner una lee prus adata a sa realidade de is bisongios nostros. At esser una lee po passare dae sa diglossía a su bilinguismu beru, chi nosi at a permitter de fagher de su sardu una limba normale.Custa non est cosa de si spantare: custa lee noa est su frutu de su trabballu mannu chi amus fatu in custos annos. Meda de custu trabballu dd’at fatu Pepe Corongiu e seu siguru ca, in sa positzione istitutzionale noa aunde issu s’agatat immoe, at a sighire a trabballare bene.Sighit ...
 

B'at unu tretu mannu de Sardigna chi est galu pagu connotu. Est una làcana chi nche colat dae un'oru de mare a s'àteru, e chi est lada cantu dda bolimus istirotzare. Caligunu dda faghet istrinta che sinna, che brusa (a gèniu: “unisci i punti numerati...”), àtere dda tirant pro imbussaret s'Arboree antiga fintas a sa Barbàgia mesana e s'Ogiastra. Sighit ...