SU GIASSU
Domo
Ite est Diariulimba
Sa gerèntzia de Diariulimba
Su Sòtziu Limba Sarda
Organigramma de su Sòtziu
LINKS
ARCHIVIU annu pro annu 
Pro retzire sa lìtera de noas
ISCRIENOS
diariulimba@sotziulimbasarda.net



Diretore: -       Coord.Editoriale: Micheli Ladu
CHISTIONES

27/06/2008 
Aprovados 39 progetos pro su sardu in s’Amministratzione Pùblica
Sa Giunta Regionale torrat a dare alenu a sa tzentralidade de sa limba sarda in sas polìticas identitàrias suas. Su Guvernu Regionale at aghiadu duncas 39 progetos presentados dae consòrtzios de comunas e provìntzias pro s’impreu de sa limba sarda in s’Amministratzione Pùblica finantziados cun sa lege de s’istadu 482/99. Sas atziones pertocant isportellos linguìsticos chi depent sighire o abèrrere a nou, s’acumprimentu de cursos de formatzione pro dipendentes pùblicos, cartellonìstica in sas carreras e giassos web de fàghere in limba.

Pro more de sa collaborazione intre Istadu e Regione, sa limba sarda torrat a leare briu e s’impreu finas in sa normalidade fitiana. Atziones positivas duncas pro fàghere sapire e ispìnghere a s’impreu de sa limba mama in cuntestos formales e informales. In custos annos sunt
istados paritzos sos progetos cun sos cales chentinas de giovanos ant agatadu traballu pro more de sa passione pro sa limba e sa connoschèntzia identitaria. De reghente, in occasione de sa Die de sa Sardigna, s’assessore de s’Istrutzione Pùblica Maria Antonietta Mongiu at cunvocadu sos 198 ufìtzios linguìsticos isolanos. Intre sos isportellos operende o in s’isetu de inghitzare, s’isparghinadura in su territòriu faghet bìnghere cun seguria sas zonas internas tzentrales.

Leader est sa provìntzia de Aristanis cun 53 progetos aprovados, sighida dae Nùgoro cun 40. Trintasete sunt sos isportellos de Tàtari, 28 sos de Casteddu, 12 Sulcis, 10 Campidanu de Mesu, 15 in Ogiastra e petzi 2 in sa provìntzia de Olbia-Tempio. Ocannu fiat a òbligu a si nche coordinare intre comunas pro abrandare sos efetos crispos de sos tàllios a sos finantziamentos. Chie non l’at fatu at pèrdidu sa possibilidade de èssere finantziadu.

Mentres sos òmines de giudu sighint a traballare, sos mandrones, paris cun sos acadèmicos traitores de semper sighint a brigare e morrungiare: sa tristura est chi operadores medas si faghent collionare dae sos professores chi, a sa fine, lis ant a fàghere pèrdere su traballu.
Lis pàrant a dae in antis mundos de fumatzu cun trastocos dàbiles de chircas e polìticas de Orwell subra sa limba. Li faghent bìdere finas martzianos-cabesusesos-sùrbiles chi si nde mandigant su campidanesu a fura...

.Ca sos professore gia lu tenent seguru s’istipèndiu...

Làstima de custos mischineddos precàrios e disocupados malaidos de sa sindrome de Istocolma pro sos mortores issoro.

http://www.regione.sardegna.it/j/v/25?s=87017&v=2&c=220&t=1



 
 
 

 

 
diariulimba@sotziulimbasarda.net  © sotziulimbasarda 2004-2008,"e' vietato riprodurre articoli originali o estratti da questo sito senza l'assenso della direzione"