Limba isorta

de Micheli Ladu

beretta

Mese Ghennarzu 

Cruciverba de Ghennarzu  Solutzione Ghennarzu

Apustis de sas festas de Pasca 'e Nadale bi tocavat unu cruciverba in tema.

Cumente zogu intamas una poesia cun nd'unu pseudo-Tautogramma. 

Mira,
Mario Mura!
Chi ses Mori-Mori
non zoghes a Murra.
Marra,
fraiga Muros
in sos Moris
pro su Merie.
Non boghes su Murru
si Miras!
Ca sos Moros
non sunt Meros
sunt chene More.
Sunt issos Meres
de sos Mares!

Mese de Donniasantu-Sant'Andria 

Dae pagu amus fatu una cumproa, unu sondaggio, po biere ite nde pessat sa zente supra sa limba sarda. Ma dae medas cumproas podent essire a campu cosas curiosas.
Castiade custa pregunta:
"Supra sa politica limbistica sarda sa zente est innorante e chene interesse. Beru est?"
E sa resposta
"No isco e non mi nde affutit."
Custa est una frasia autoreferentziale, una frasia chi torrat a issa matessi, comente cando unu pessat a isse chi est pessande a isse chi est pessande. O comente a duos ispriccos chi postos unu ainnantis de s'ateru donant sempere sa matessi immazine a s'infinidu.
Su primu a imbentare una frasia autoreferentziale e paradossale est istadu Epimenide de Creta chi naravat "Totus sos creteses sunt faularzos, ego so cretese." (est làdinu chi si est cretese at naradu una faula supra sos creteses, chi duncas narant sa beridade, ma narande sa beridade tando est faularzu e duncas…)
Ma finas custu est paradossale:
Totus sos sillogismos non bàlidos non respettant a su mancu una regula
Custu sillogismu non respettat a su mancu una regula
Duncas custu sillogismu est unu sillogismu non bàlidu.
Unu contu autoreferentziale :
Bi fut una bia unu contu chi non fut connotu dae nemos e chi, duncas, non beniat contadu mai. Su contu mischineddu fut tristu meda e pranghiat ca manc'unu piciocheddu si podiat divertire. Ma una die, in divartas, una mamma atobiat su contu propiu cando issu fut pranghende pro cussu destinu maladittu. Sa mamma preguntat po ite fut pranghende e intesa cussa disgrassia atzetat de ascurtare cussu contu, gasi de lu contare apustis a sos fizos suos. Su contu fut cuntentu che pasca e si fut ammaniadu pro contare a isse matessi comintzande gosi:
Bi fut una bia unu contu chi non fut connotu dae nemos e chi, duncas, non beniat contadu mai. Su contu mischineddu fut tristu meda e pranghiat ca manc'unu piciocheddu si podiat divertire. Ma una die…..

Mese de Ladàmini-Santu Gaini

Cruciverba de Santu Gaini-Mese de Ladamini  Solutzione de Santu Gaini-Mese de Ladamini 

Unu Palindromo est sas asas. Unu bifronte sonos

Su Tautogramma est fatu cun sa littera "i" e allegat de sas duas Simonas liberadas:

" Is italianas innossentes impresonadas in Irak: in ive in iferru istranzu, isetavamus isprammados ischire informatziones. Intzandus ite ispera? Interrogavamus. Irgannadas? Interradas? Iscretios isetavamus.Ischiavamus is irakenos imbenenados, irfadados. Imbetzes impessu iscurigadu isperamus, immoi is italianas iscapadas,induninduna intregadas, iserghent impresse imbatende innoghe in Italia. Issas istimant impare is islamicos."

Mese de Capudanni

"Sa gherra b'est semper istada e fortzis semper b'at a essere. Die pro die e secula seculorum Deus castiat sos fizos suos in terra, cun menispressiu e chene iscaddu nos inditat una bia menzus, ma non l'ascurtamus." 

Si podet provare a fagher custa frasia cun nd'unu Tautogramma, chi no est ateru si no una frasia fatta de allegas chi comintzant cun sa matessi littera. 

Cun sa littera S sa frasia de susu podet resultare gosi:

" Su Sole su sero si sedet segus sa serra, sa sorre sua Selenia sighit serena sa sorte seculare: su sennore soberanu semper sinnalat seguru su stradone serbande seriu sos semenes suos sambeneris, sparadores sena sentimentu."

Cun sa littera M imbetzes:

"Mighirimighiri manzanu merie mulinetant meses meda:mancumale misericordiosu mere mannu mostrat maneras menzus mirande mudu ministros minores; ma medas, malapat!, menetant mescamente morte."

Cruciverba de Capudanni  Solutzione de Capudanni

Mese de Austu

Cruciverba in tema de mare e bacantzias...

Cruciverba de Austu  Solutzione de Austu

Mese de Treulas-Argiolas

Dae pagu amus zogadu cun sas allegas,(bie) chircande palindromos tautogrammas bifrontes e ateru galu. Sighimus a zogare cun duos bifrontes:"sigo gosi;siga(t)gasi" uve bastat a bortare sas sillabas pro tenner su matessi sinnificadu. Sinnificadu chi  mostrat  chi in prima pessones unu pessat in"custa manera"(gosi) e s'ateru sighit in "cudda manera" (gasi). Ma zogande cun sas allegas si iscoviant cosas curiosas comente cale fut su destinu de sas maghiarzas in su medioevo, cando beniant ghettadas a su fogu. Su chi abboghinavat sa zente a custa feminas disgrassiadas podiat assimizare a custu: "Coghe Coga!!" o "Bruja Bruscia!!" Unu Palindromo(in grecu est palin a segus, dromos cursa) podet esser custu "amor aicci a roma". In sutta b'at unu cruciverba, sighide a zogare cun sa limba e sa cultura nostra.

Cruciverba de TrivulasSolutzione  de Trivulas

A segus