Seminàrgiu de deretu e curtura de su traballu
Instatudu de is traballadoris, lei n° 300, de su 20 mayu 1970.
Tìtulu I
De sa libertadi e dinnidadi de su traballadori.
· Libertadi de opinioni. Is traballadoris, kene distinsioni de opinionis pulìtigas, sindacalis e de religionis, tèninti su deretu, innui traballanta, de bogai liberamenti su pròpiu pentzamentu, arrispetendi is printzipius de sa Costitussioni e de is normas de sa lei presenti.
· Guardias Giuradas. Su méri pòdidi imperai is guardias partigularis giuradas segundu is artìgulus 133 (e avatu) de su T.U., 18 Làmpadas 1931, n° 773, scéti po in manera de allogai su patrimoniu de sa sienda.
Is guardias giuradas no pòdinti cuntestai a is traballadoris atzionis o fatus difarentis de cussus ca pertocanta su patrimoniu de sa sienda.
Esti proibiu a su méri de ponni a castiai is traballadori, in s'interis de su traballu, cun is guardias de ca si fuèdhada a in primu coma, guardias ki no pòdinti brintai in is logus aundi si trabàllada, e, in s'interi ca si trabàllada, ki no dhui sìanta esigèntzias ispetzialis e motivadas e po is compitus ki fuèdhada su primu coma.
Si esti ca s'inosservantzia de una guardia partigulari giurada de is disposissionis de i custu artìgulu, s'Ispetorau de su traballu inghitzada a ke su Cuestori sa suspensioni de su servitziu, in is kistionis prus grais nc’esti fintzas sa suspensioni de sa licèntzia, inghitzada de su Prefetu.
3) Personalli de vigilantzia. Is nòminis e is incàrrigus ispetzìfigus de su personalli de sa vigilàntzia de su traballu dèpinti essi naus a is traballadoris interessaus.
Castedhu, Mercunis 21 Martzu, 2001.
Francu De Fabiis
Prova finalli tenta in sa facultadi de Ecunumia de Castedhu.
