© LimbaSarda 2004

 

 

 

 

 

 

 

 

 

 

26/09/2005 Ateras Minorias - Catalùnia Nord

Sa "Seticemia" de sos giacobinos 


No agradat a sos catalanos de Francia, sa proposta de su presidente de su Languedoc-Roussillon, Georges Freche, de mudare su nòmene de sa regione in "Septimanie" intamas de cussu de "Catalùnia Nord" chi proponnet Bloc Català, su partidu catalanista de centrumanca. Custu imbentu, chi arregodat comente si tzerriaiat sa regione in s'Edade de Mesu a sos tempos de sos Visigotos, po sos abitantes de limba catalana est una trampa po cuare s'identidade catalana de unu territoriu chi apartenet politicamente a sa Francia, ma abbaidat, dae sémpere, a Barcellona. Paricios sotzios catalanos ant produiu una arregorta de firmas contras a cussa faina chi ant mutiu, cun ironia, "Septicémie" po denuntziare s'infetzione natzionalista francesa chi andat a segus de unu centralismu giacobinu serente a su fascismu. S'idea de mudare su nòmene de sa regione fut istada giai de s'amigu de is nazistas Petain. 

A segus