SHARDANA
Assótziu Culturali de Istudiantis
asshardana@hotmail.it
S’Assótziu SHARDANA
Bandit pro sa prima borta
Cuncursu de arte gràfica
“UNU DISEGNU PO SA SOLIDARIEDADI”
S’Assótziu Shardana da tempus meda est pentzendi a su mundu de sa solidariedadi e ocannu at pensau de si mandai custu cumbidu a su cuncursu chi est preparendu po bosàterus.
E intzandus cumenzai a si donai de fai pentzendi a tottu su chi pertocat sa solidariedadi e pruscatotu sa donatzioni de su sànguini.
Po partecipai a custu cuncursu bòlint arrispetadas custas normas:
1) Tottus podint pigai parti, istudiantis e no;
2) Is disegnus depint èssiri fattus cun paperis A4 e candu benint iscannerizaus depint poderai sa calidadi bona;
3) Su disegnu at a dèpiri andai impari cun d’unu dícciu chi siat uguali a su tema;
4) Su disegnu depit èssiri mandau a s’assótziu aintru de una busta; in custa busta si ndi depit pònniri un àtera cun d’unu paperi chi inditat is datus personalis;
5) Is disegnus si depint imbiari a s’assótziu culturali SHARDANA, bia Is Mirrionis 49 D 09100 Casteddu, ma fait finzas a dhus lassai in is portinerias de is domus de is istudiantis de bia Trentino, Monte Santo e Businco; si ant a acetai finzas a su 25 de Donniasantu 2005;
6) Bi at a èssiri una giuria de espertos e su chi issus ant a decidiri no si podit cambiai. Is disegnus non depint èssiri istetius imprentaus o giai connotus, sinuncas non si podit prus pigai parti a su cuncursu.
N.B. s’assótziu podit imperai is disegnos po is atividadis suas de solidariedadi. Is bideas prus curiosas s’ant a premiai in su Meseidas 2005; sa di e su logu scioberau ant a èssiri comunicaus in d’un àtera ora.
