© LimbaSarda 2004

 

 

 

 

 

 

 

 

 

 

20/11/2004 Diàriu Sardu - Curiosidades e limbas 

Cun duas limbas si bivet mengius e de prus

de Peppe Corongiu

In su nùmeru de custa chida de Focus. revista de curiosidades sientificas, ddue at un'artìculu de importu meda a pitzu de sos efetos chi podet giare a sa salude su fatu de foeddare prus de una limba. A parre de Ellen Bialystock, de s'universidade de York in Cànada, pubblicau in "Psychology and aging", sos bilimbas,  sos chi allegant duas limbas, sunt difatis resurtaos in mèdia prus intelligentes faendo sos testes. E custa diversidade cun cussos chi foeddant una limba ebbia irmanniat cun s'edade. Po calencuna resone chi galu non si cumprendet bene impreare duas limbas rallentat su declinu de sa mente e mantennet prus giovanos e in salude. Duncas, a ischire duas limbas est utile non solu pro s'identidade, pro comunicare, faere carriera o girare in su mundu, ma finztas po imbetzare mengius e èssere prus abistos. Cale propaganda menzus pro su bilinguismu? Totu cuddos mannos centenarios chi teneus in Sardigna ant a èssere inoghe po debbadas? 


A segus