|
|
Diretore: -
Coord.Editoriale: Micheli Ladu |
|
CHISTIONES |
|
|
30/05/2008
Afortire a nois pro afortire s'idea
[de Micheli Pinna, presidente Istitutu Camillu Bellieni] |
Semus cuntentos meda ca Pepe Coronzu siat istadu yamadu a un ingarrigu de importu mannu pro su tempus bennidore de sa limba sarda.Su tribagliu de fagher est gadu meda. Bi cheret zente e, mescamente, cuidadu e contivizu. Onzunu devet devet faghere sa parte sua. In Tatari su tribagliu de sos isportellos bene incaminadu ma non bastat.
Como toccat de intrare prus a fundu in sos chistionos. A primu toccat de leare in manu sa formatzione: de istabilire regulas e camineras. Toccat de fagher sos contos non solu chin s’universidade ma fintzas cun sos sotzios chi in
custos annos ant tribagliadu chena riconnischimentu perunu. Sunt siendas de isperientzia chi non podent esser lassadas de sesi. Custos casos, però, los detzidit sa politica e non tzertu sos dirizentes de sa regione, mancari chi sian balentes e contivizos. A dolu mannu.
Un’ atera de sas cosas de importu est s’ iscola. Si non s’ aberit una vertentzia cun s’ istadu pro fagher sos curriculos de sos iscolanos, nessi in s’ obbrigu, e pro istabilire sas andalas de sa formatzione de sos mastros e de sos professores de sardu, penso, chi pro su sardu non b’at a aer tempus benidore.
Sas politicas de pianificatzione linguistica depen agatare in s’iscola, cumenti in sos comunes, su zassu prus importante pro arraighinare s’idea e sa pratica de una limba sarda comune e de una Sardigna chi siat populu e comunidade natzionale. Ma sa limba diventat comune solo si si trabagliat in custu ettu.
Toccat de faghere un’iscuadra de formadores, de mastros e de professores chi leen in manos custa “mission”, comenti si narat como, comente semus fattende in sos comunes chin sos operadores de sos isportellos. Est unu tribagliu longu, lenu, ma est s’unicu chi in su tempus pottat dare fruttos bonos e raighinas ben’assentadas.
Zovanos che a Micheli Ladu bi nde cheret mai cantos ma solu a custa manera si nde diat poder incaminare medas. Toccat de bi creer e de bi punnare.
Nois semus tra sos appentados fideles chi bi creent e chi bi punnant e chi pro cussu semus tribagliende coidadosos e contivizos in bidea de affortire e de ismaniare su moimentu linguisticu sardu.
Saludu e ben’incunza a tottu.
Micheli Pinna
presidente Istitutu Camillu Bellieni
Tàtari
http://www.istituto-bellieni.it/
|
|
|