SU GIASSU
Domo
Ite est Diariulimba
Sa gerčntzia de Diariulimba
Su Sņtziu Limba Sarda
Organigramma de su Sņtziu
LINKS
ARCHIVIU annu pro annu 
Pro retzire sa lģtera de noas
ISCRIENOS
diariulimba@sotziulimbasarda.net



Diretore: -       Coord.Editoriale: Micheli Ladu
CHISTIONES

15/07/2008 
Professoras de intentu malu: ant leadu perra contrąria a sa limba
[de Nanni Falconi - iscritore]



A mie paret finas inzurzosu a su vessu de su presidente, de li narrer chi isse est plagiadu dae chi si siat. Est comente a narrer chi no est in possessu de sas facurtades suas. Giorgio Melis diat deper domandare pubblicamente iscusa, si no ąteru. Una cosa est a esser criticos e a aer ideas diversas dae sas detzisiones de su presidente, ątera est a narrer chi isse, chi rapresentat totus sos sardos, faghet su chi ątere l'apretat. Caru Zorzi, non mi paret chi s'ņmine siat suzetu a cumandos anzenos. E gasi est inzurzosa


Anna Oppo cando ponet in duda sa preparatzione professionale de Roberto Bolognesi solu ca no ischit si isse faghet parte de una cale si siat universidade. Est beru chi totu su ischire umanu est immandradu in sos ispassizos de sas universidade sardas, in ue, gią l'ischimus totus, si pigat a sos ingarrigos pius artos de insennamentu solu pro meritos intelletuales e professionales, e pustis de aer dadu proa de intelligentzia superiore.


Deo non cuntesto a Anna Oppo e a ąteros chi non siant cumpetentes in sas materias in ue ant ant istudiadu, penso chi lu siant, ma non lu sunt ca sunt professores de universidade, lu sunt ca ant istudiadu e ca sighint a istudiare. Lu fiant istadas finas si no aiant ąpidu ingarrigos universitarios. Su de fagher parte de sa congrega universitaria sarda no est unu balore in se, est solu a aer sa possibilidade de poder imparare a sos ąteros su chi ischint ca custu est su sistema iscolasticu. Tzertu, eo lis cuntesto su ischire issoro cando penso chi non siat su fruture de una chirca iscentifica, ma una opinione, ca issos puru nde bogant a campu chena peruna birgonza dendeli s'aerzu de sa superiore professionalidade universitaria issoro. 

Est feu a narrer chi chie est contra sa LSC est contra su mezoramentu de sa limba sarda, ma cando chie lu faghet si ostinat semper a narrer chi depimus salvare sas barias faeddadas e non narat mai comente si no lassendelas istare a su bonu issoro, mi ponzo carchi duda de su chi est de abberu s'intentu issoro. Semus annos medas chi s'arrejonat de custa chistione chena resessire mai a benner a una fine calesisiat chi non siat cussu de sighire a arrejonare. Custa est sa lacana de sos sardos, semus semper bonos a arrejonare e malos a detzider e cando calecunu lu faghet est semper acusadu de prepotentzia, de no esser democraticu e gasi sighende. 

Sa LSC est una reartade chi lassat calecunu iscuntentu, onzunu at sas ideas suas, non podimus esser totus cuntentos. Chircamus de la mezorare custa beneita LSC chi est sa menzus, a s'imbesse de narrer machines a chirriu de sas prepotentzias de sos logudoresos chi cherent imponner sos faeddos issoro a totus sos sardos.


Bona cussa de acusare de isperperu de dinari pubblicu pro sas bator sesinas ispesas pro sa limba, interis chi est essende a campu su malu fagher de sas universidades! 

De si nde pisciare dae su risu.

Carchi annu a como, in una arrejonada mia in unu aposentu de s'universidade de Casteddu, nei chi si sa limba sarda cheriat achistare cussu prestigiu chi bi li cheriat pro cumbincher sos sardos a la torrare a impitare intro de domo e tra mammas e fizos, depiant esser issos, sos esimios professores chi la depiant impitare, e chi la depiant impitare propiu in cussos logos comente limba pro insinnamentu. Creo chi calecunu apat fintzas risu a s'ingenuinidade mia.

Annos pustis m'abbizo chi s'universidade, atesu meda de fagher cuddu traballu de afortimentu de sa limba sarda, at leadu perra contraria e lu sighit a fagher in italianu che a prima. Lis depet esser fuende carchi cosa dae manos.

Nanni Falconi - iscritore



 
 
 

 

 
diariulimba@sotziulimbasarda.net  © sotziulimbasarda 2004-2008,"e' vietato riprodurre articoli originali o estratti da questo sito senza l'assenso della direzione"