Author: lista de distributzione in limba sarda
Date: 2008-07-10 15:52 +200
To: lista de distributzione in limba sarda
MI PARIT UNU ARTICULU PRENU DE FAULAS E "LUOGHI COMUNI" CHI NASCIT DE UNA 
IDEOLOGIA PO SA CALI SA LINGUA SARDA UNICA UFFICIALI EST UNU PERICULU CHI 
PORIT MOVI S'ACUA CHETA ARTIFITZIALI AUNDI SI FAINT BIVI. 

Beppe

Author: antonietta lai
Date: 2008-07-10 17:49 +200
To: lista de distributzione in limba sarda
azudu..da operatrice di sportello linguistico mi sento pure in colpa.... 

in realtà dissento sul fatto che questa lingua sia del tutto artificiale. Io la parlo, nella mia comunità si usa....il positivo della lsc è che da qualche parte ha cominciato: "in caminu si azustat barriu" ...abbiamo visto la pars destruens, vediamo ora le proposte....

Author: lista de distributzione in limba sarda
Date: 2008-07-11 10:08 +200
To: lista de distributzione in limba sarda
Subject: Re: [sa_limba] articulu in L'altra Voce: Quanto arroganti i crociatidella Lsc
Su tonu de custu articulu de Giorgio Melis tenet grabu meda. Narat chi 
Bolognesi non faeddat chei fizu 'onu, chi Mongiu si est interrada in su 
chiostru, chi sa Lsc est nudd'ateru chi filosofia violenta e imponidora, chi 
sa Sardigna est totu piena de macos abengados. E mancu male chi isse non 'la 
butta sul personale'. 

Unu muntone de paraulas italianas pro narrere chi de ideas alternativas a sa 
Lsc pro sa Sardigna non de tenet. 

Murrunzare a bias faghet bene, a sa mente e a sa 'oghe, ma Giorgio Melis no 
at cumpresu chi a cheja si nche deveta furriare si si cheret cunfessare pro 
totus sos malannos chi lis sunt capitende. Malefadadu isse, chi non sentit 
apartenentzia a su grustu de sos '44 gatti in fila per sei col resto di 
due'. A isse li piaghet sa cultura de su 'Zecchino d'Oro'. 

Salude e trigu 

rugeri 







Author: matteo.ionta1@tin.it
Date: 2008-07-11 11:22 +200
To: sa_limba
Subject: [sa_limba] R: LSC
funt fueddande de unu articulu de Melis a pitzu e sa LSC ca prus ca unu 
articulu pariat unu muntone e mala paraulas asuba a su triballu de is 
atterus 

Author: lista de distributzione in limba sarda
Date: 2008-07-11 12:07 +200
To: sa_limba
Subject: Re: [sa_limba] R: LSC

Salude is allistados| 
Basca est fende e sa basca a MELIS DD' AT COTU. Chircade in s' archivu de "l'altra voce" s' articulu aundi fueddu de patatas. Eis a biri ca deu apu scritu atra cosa! 
E a Anna Oppo non dd' apo atacada mai... 
Ohi 'ta bella custa terra! 

Robbertu

Author: lista de distributzione in limba sarda
Date: 2008-07-11 21:18 +200
To: lista de distributzione \(\"mailing list\"\) in limba sarda
Subject: [sa_limba] articulu in "l'altra voce"
Li semus dende tropa importantzia a Zorzi. Lu faghia menzus, fintzas si aia 
àpidu carchi sinnu de su pesamentu suo cando si trataiat de limba. 
Bella sa de dare ispatziu solu a sos chi la pensant che a isse, a che 
fuliare in su muntonazu sos chi sunt contra, e a narrer posca chi custos 
sunt bator batos chi si referentzias solu tra pare. 
Si in sos articolos chi l'imbiant b'at paraulas chi li parent ofensivas 
contra calecunu, bi diat ponner finas pagu a lu torrare in segus a s'autore 
e bi lu fagher cambiare si lu cheret bidu pubblicadu. Diat esser a esser 
democraticos e a fagher narrer a onzunu sos parreres suos in manera chi bi 
potat esser unu iscambiu de infrommasciones e de ideas. 
Finas sas brigas bogant a campu modos de pensare, finas cando onzunu 
abbarrat cun sas ideas suas; b'at semper, cando s'arrejunu est pubblicu, 
àtere chi ascurtat e si faghet suntos suos. 
Isse est contra sa LSC e contra calesisat istandard, nudda de malu, già no 
est solu. Diat esser de li preguntare comente diat cherrer chi siat su 
tempus benidore de sa limba de sos sardos, si depet abbarrare comente limba 
de sos afetos familiares, o si li depimus dare sa possibilidade de crescher 
e de cumpetere cun sas àteras limbas; e si cheret custu, comente pensat chi 
si potat fagher partende dae su presente, pro sa limba non galanu meda, de 
oe. 
Forsis est unu de cuddos romanticos chi creet chi su mundu e sa sotziedade 
andet a dae in antis chena ghiada, chi sa limba già si difendet a sa sola, 
chi non b'at bisonzu de ispender duos centesimos pro li dare un'judu, chi 
tantu sos chi l'impitant e la cherent afortire sunt solu bator macos chi 
pensant chi si podent ponner in su mantessi paris italianu e sardu. Est unu 
de cuddos chi pensat chi a su sardu bastat s'italianu solu ca bastat a isse. 
Non semus totus che a isse nois sardos. A medas non bastat. 

tenide-bos contu 

nanni 

Author: fideli@tiscali.it
Date: 2008-07-12 10:33 +200
To: sa_limba
Subject: Re: [sa_limba] articulu in "l'altra voce"
A bortas in s’istadiali tronat e lampat prus che in s’ierru. De ita si 
depeu meravillai? 
Deu no seu amigu de Giorgiu Melis, no liggiu su giornali chi fait e no 
mi praxint custas sircias de feli ghettadas asuba de sa genti. De custu 
mi seu chesciau innoi puru po is fueddus contras a un’allistau, ma m’ 
hiant nau chi fuant amigus e podiant passai po brulla. 
Immui deu no sciu chi Melis, Bolognesi, Corongiu e no sciu e chini 
ateru, siant amigus issus puru e deu sigu a fai sa figura de chini no 
cumprendit nudda. 
Cumprendu puru ca Melis calincuna cosa si depit imbentai po fai 
chistionai de su giornali suu e no inci hat nudda de mellus de unu 
certu in custu bixinau chi est diventada sa Sardigna. Unu bixinau de s’ 
Europa “chi nemus cagat”, cument’hat nau un’allistau eriseu. 
Ma lassendi a perdi is amiganzias, su feli, s’abbisongiu de fai 
sumbullu, ita abarrat de su chi hat nau Melis? 
Ddoi est calincunu filu de beridadi? 
Custa est sa cosa ch’importat; totu s’aturu est paperi po imboddicai. 
E de custu no ind’hat chistionau nemus. 
Poita? 
Poita sa genti timit? Poita sa genti pappat in s’appalladroxa? Poita? 
O est mellus a lassai a perdi? 
Deu no seu predi chi cantat missa, po ddu nai cun is fueddus de Melis, 
e mancu sagrestanu: candu fut ora hapu nau su chi pensà, mancai essi 
scipiu chi fut inutili. 
Ma candu si fueddat de dinai po sa lingua sarda, hiat a essi bellu a 
sciri cumenti si spendit, candu si spendit. 
Provai a liggi in su blog de Giuanni Franciscu Pintore (http: 
//gianfrancopintore.blogspot.com), comenti hant spendiu su dinai (cantu 
dinai!) is Universidadis sardas. 
E inguni puru, nisciunu chi murrungit. 

Saludi a totus e, candu proit, fadei comenti fait in Bosa: lassant 
proi. 

Francu Pilloni