04/06/2005 Poesias

Ottadas iscapulas

de Antonello Piras 

Custas sun pacas ottadas, improvvisadas dae mene, chi apo picau dae sa registrazione de sa gara de su 17-06-05 tenta in Nule po su terzu festival de Poesia Estemporanea.

In cue sa giuria a pessau chi in d’una gara ‘e Poesia a bolu esseret pius importante sa voche de su poeta chi no sa Poesia matessi.

Po no ispaghinare sa cuffettura a sos porcos bos mando custas duas ottadas chi vortzis, solas, balen una gara.

Sun ambos paragones picaos dae su mundu de sa natura, su primu sa formiga su secundu su cucu.





In su primu tema “Idea, Volontade e Intelligentzia”



Tristu s’intelligentzia s’est a un’ala,

Idea e bolontade intran in briga.

Leade sa cicala e i sa formiga

Custa su trigu attit a sa cala,

S’idea ada e collire s’ispiga

Cun bolontade po s’annada mala.

Pero nessunu mai si nd’est distintu

Non b’ada intelligentzia ma est’istintu.





In su secundu tema “Sa Faula”



Est sa faula sa mama ‘e dogni trucu,

Ca finas sa natura nd’est piena.

A mes’aprile in sa campagna amena

Osserva, intendes cantende su cucu,

Chircat unu nidu e in cussu bucu

Ponet sa cria sua chin s’anzena.

E usende ‘e sa faula sa potentzia

Assicurat sa sua discendendenzia.







Antonello Piras

A segus