05/12/2004 Isport sardos

15° Campionau Natzionale de Istrumpa

S' 8 de su mese de Nadale-mes'e Idas a oras de sas chimbe de merie, in sa palestra comunale, sa lotta antiga de sos sardos torrat in Ollolai cun sos menzus gherradores de s'isula. Sa Federatzione s'Istrumpa difatis sortit gherradores dae cada logu ma mescamente de Biddamanna, Orthullè, Tertenia, Fonne, Durgali, Oliana e sa matessi Ollolai. Sa manifestatzione est organizada cun su patrociniu de su Comune de Ollolai, sa Provintzia de Nugoro, sa regione Autonoma de sa Sardinna, sa Comunidade Montana n°9 de su Nugorese e dae su BIM Taloro. S'istrumpa est reconnota comente Isport dae su Coni e dae sa UISP e faghet parte de sa Federatzione De Lottas Celticas chi contat paritzas Natziones comente Inghilterra, Iscotzia,Bretannia, Ispanniolos de Lẹn, Galitzianos, Olandesos e Austriacos. S'annu coladu sa Sardinna at bintu su Campionandu Intenatzionale de Lottas Celticas gherrandesi su primu postu contra sos bretones. A chi cheret provare a gherrare ammentamus chi sas iscritziones sunt apertas finas a sa die prima e chi si podet telefonare a custos numeros pro tenner prus informatziones:

www.istrumpa.it

(0784) 51228/ 519011/ 51180

A segus