© LimbaSarda 2004

 

 

 

 

 

 

 

 

 

 

03/03/2005 Uraniu, tòsconos e cadras tricolores

S'Istadu italianu? Unu crobu bestiu a dutore!

Chentubaranta annos de italianidade ant fatu prus dannu in Sardigna de totu sas àteras dominatziones. Mai s'ambiente e sa sienda genètica de su populu nostru sunt istaos gasi in perìgulu. Uraniu impoberau, cadras industriales, metallos graes, cianuru, arsènicu, cadras radiuativas, cadmiu, toriu, cobaltu, plutoniu e diossina, paris cun àteros tòsconos, sunt s'arrastu chi sos italianos ant lassau in logu nostru. Po more e po custu Sardigna Natzione custu mingianu at manifestau in Casteddu, abbia a sa sea ufitziale de su guvernu in pratza de su Craminu, po torrare in simbulos su libriteddu de sa Salude chi su Ministeriu de sa Salude at mandau in is dies coladas a totu sas familias. <"Pensiamo alla salute" narat su libriteddu ministeriale - ant iscritu sos apariciadores - ma s'istadu italianu s'est cumportau comente e unu crobu bestiu a dotore. Custu pro nois sardos non si podet bajulare proite s'istadu, in tames de bidorare sa salude nostra istransendo sos tòsconos suos, si istrobbat a arresprammiare sos gastos pro su bisongiu farmacèuticu>. Pro more e pro custu Sardigna Natzione at detzisu de torrare a su rapresentante de su Guvernu Italianu unu muntone de libbriteddos imprentaos dae Berlusconi e Sirchia. 

A segus