© LimbaSarda 2004

 

 

 

 

 

 

 

 

 

 

01/03/2005 Duas cantzones de Mario Pudhu

Pesadas pro sos "intellettuali"

de Mario Pudhu

Salude a totus!
Bos mandho carchi "pesada" pro sos "intellettuali". Si bos piaghet.
Cun sos menzus saludos (a bois e fintzas a issos!)
Mario Pudhu 


Ira mala


At a čssere ca inoghe totugantos

Cudhos ch’in s’intelletu nachi ant brios

Cadono dalle nuvole, e che bios

Interramortos sunt pro campusantos;



At a čssere ca inoghe cherent prantos

Cudhos chi nachi ant manu a guvernare,

Mortos pagados pro aprofitare

Chi mai ant bidu santos ne ispantos;



O c’a sos bios ant addrommentadu

O ca istima nos ndhe damus paga

O ca a sos ogros nostros no creimus,



A sa fune chi nos at impicadu

Faghimus brindhatzina, e a braga

Prémios e medŕllias bi annunghimus!






Ispantamíseros


Intelletuale

Nachi si narat:

Ispantamíseros,

Itoromala?!



Faghet cumandhu

De impiegadu,

Manovaledhu

Est de s’Istadu



De un’istadu

Istranzu mannu, 

E no ndhe sentit

Birgonza e dannu:



Babbu li narat

Si li dat pane:

Acunnortčndhesi

Faghet su cane.



Menzus apedhat

In italianu

Abbirgonzendhe

A su chi est sanu.



E pro bisura

Cun conca e sale

Est menzus trusu

’E carrasegare.



Si naras sardu

Si parat surdu,

Sendhe lezítimu

Faghet su burdu.



Finis Sardiniae:

Morta est sa mama…

E de orfanedhu

Si parat fama!



Intro ’e sos mortos

Che lezet totu:

Bios andhendhe

No ndhe at connotu!



Intelletuale

De s’oramai,

Si est mortu isse

Su mundhu est gai!

A segus