<Sa cultura de s'arcaismu e de s'antigòriu at fatu male a sa limba sarda e no l'at fata creschère in sa modernidade. Ma pro mene sa cultura de sa limba no est ne antiga ne moderna, e si difendet mèngius cun sa mentalidade de su post-modernu>. Sunt sos faeddos de Pepe Coròngiu chi, in sa bidda sua Làconi, at presentadu in una sala prena a isticu su libru “Guvernare cun sa limba” sàpadu coladu su 16 de Cabudanni in su Centru Culturale de sa Comuna. At presentadu Fausto Fulghesu, sìndigu. Relatores is iscritores: Pàulu Pillonca, Antoni Maria Pala, Micheli Ladu. At serradu Pàulu Innàtziu Pisu, consigieri regionale. Raramente su centru culturale s'est premu gasi de gente pro initziativas.