SU GIASSU
Domo
Ite est Diariulimba
Sa gerŔntzia de Diariulimba
Su S˛tziu Limba Sarda
Organigramma de su S˛tziu
LINKS
ARCHIVIU annu pro annu 
Pro retzire sa lýtera de noas
ISCRIENOS
diariulimba@sotziulimbasarda.net



Diretore:  Micheli Ladu - Editore: S˛tziu Limba Sarda
CHISTIONES

31/10/2008 
Limba sarda petzi a faeddos: serradu s’Ufýtziu de sa provýntzia de Aristanis 

Andat bene chi cando si chistionat de limba est de importu a dare atentu a sos faeddos ca de custu est fata sa limba sarda: faeddos, allegas, parÓulas. Ma un’Ótera cosa sunt cussos faeddos a pitzu de sa limba chi non lompent a logu perunu, bonos petzi pro prenare sa buca sena nde bogare mancu ispera de cosa cuncreta, bandera de bogare petzi in pratza, “feticcio” pro incantare sa gente. E duncas sa provýntzia de Aristanis, una chi si pensaiat ghiada dae unu presidente chi naraiat chi bi creiat de a beru in sa chistione de su sardu, serrat totu cantu. “A ghirare!” Si diat dŔpere nÓrrere in sardu.


A pustis de sa provýntzia de Casteddu chi no at gastadu s’annualidade 2003 cun unu presidente chi s’est semper impinnadu pro sa sardidade, tocat como a sa terra de Arborea; s’imbentu de sos polýticos chi faeddant de limba ma chi posca non la ponent in prÓtica sighit ismanniende, lÓstima. E custu cheret nÓrrere chi b’at duos postos de traballu truncados e chi ant a sessare bator annos e mesu de fainas atzivas fatas dae sas duas pessones chi bi traballaiant cun aficu.


S'Ufýtziu de sa limba de sa provýntzia de Aristanis ghiadu dae Tore Cubeddu e Marinella Marras est resessidu a nche sortire prus de 80 comunas e a ispÓrghinare unu cuntzetu de limba comuna chi pertocaiat a realidades chi si naraiant diferentes e chi intames cun unu protzessu de polýtica linguýstica abbista ant cumpresu sa balia de sa chistione de s’aunimentu. Sa p˛lýtica si nd’est ammentada petzi cando l’est torradu a contu, fortzis, ma cando b’at Ópidu de fÓghere cussos sŔberos polýticos fortes de bogare dae bugiaca dinari pro sa limba etotu, custa est abarrada petzi unu faeddu, un’allega, una parÓula.


Sa chistione no est petzi chi serrat un’Ufýtziu provintziale, no est petzi chi b’ant duos traballadores in mancu chi su traballu l’ant fatu fintzas bene; bastat a ammentare de totu sos ad˛bios fatos fintzas in sas biddas prus minores de sa provýntzia tzerriende a pessones famadas in su mundu de sas minorias linguýsticas non petzi in Sardigna ma in totu ItÓlia. Sa chistione est chi serrat un’Ufýtziu provintziale e chi l’at a sighire s’efetu d˛mino in provýntzia matessi, cun operadores cualificados chi giai si preguntant cale ghia dat sa provýntzia a sas amministratziones de sas biddas in ue traballant. Su murr¨ngiu est ismanniende, sas dudas sunt semper de prus.
Nois, semper serentes a chie at traballadu bene meda in ie, serramus duncas cun una pregunta a sa provýntzia de Aristanis: sa limba est faeddu, ma cando est a colare a cosas fintzas prus cuncretas?

 




 
 
 

 

 
diariulimba@sotziulimbasarda.net  ę sotziulimbasarda 2004-2008,"e' vietato riprodurre articoli originali o estratti da questo sito senza l'assenso della direzione"