SU GIASSU
Domo
Ite est Diariulimba
Sa gerŔntzia de Diariulimba
Su S˛tziu Limba Sarda
Organigramma de su S˛tziu
LINKS
ARCHIVIU annu pro annu 
Pro retzire sa lýtera de noas
ISCRIENOS
diariulimba@sotziulimbasarda.net



Diretore:  Micheli Ladu - Editore: S˛tziu Limba Sarda
CHISTIONES

14/11/2008 
Tzurp˛poli: su rennu de sos tzegos abbistos 
[de Micheli Ladu]
Tzurp˛poli est unu rennu de a beru istravanadu, in ue si podet nÓrrere totu e su cuntrÓriu de totu ca est sa capitale de sa democratzia. In ie unu grupu de pessones at gherradu pro l’otŔnnere sortende•si a pare in sa batalla manna pro sa limba contra onni acossu e cadŔliu. Custu pro more finas de unu chi contaiat sas fainas pensende•si Omero ma chi de s’iscritore teniat petzi su tzurpýghine. L˛mpidu a Tzurp˛poli mi fia abbigiadu dae luego chi is chi istaiant in ie teniant una casta de resonu istr˛llicu: s’Omero nostru m’aiat ispadriadu allegas chi pariant cussas de una Sibilla:”Custa cosa de una limba iscrita ¨nica est sa morte de sa democratzia”

“Pro ite” l’aia preguntadu deo unu pagu ispantadu.

“Ca no agradat e partzit” m’aiat respostu isse abbaidende a mene istontonadu mustrende•mi s’¨rtimu n¨meru de s’Unione, n¨mene de su giornale in ue iscriiat isse pro aunire sa gente pro sa limba in un’Ótera limba: “Non piace e divide, lÓ” mi l’aiat bortada sica.

“No agradat e pratzit a chie?” l’aia torradu a nÓrrere

“A totu sos sardos” M’aiat abbaidadu isse cun menisprŔssiu.

Deo, chi fia tontu e istontonadu, tando aia crŔtidu a sas allegas suas e abbaidende•lu cun apegu e istima manna l’aia preguntadu: “E duncas vostŔ, pro acuntentare e aunire a totu cussa gente ite at pensadu de fÓghere?”

“Como sighi pagu•pagu” M’aiat naradu sedende•si in una cadira: “Apo reunidu una commissione noa cun ideas chi sunt de avanguÓrdia e democratzia chi amus a esportare finas in Terramanna: si una limba aunida partzit , bastat a fÓghere a s’imbesse, partzire sa limba pro aunire! Si no est l˛gicu a su mancu est matemÓticu no?”

Bidende a mene intortighende su murru su giornalista Omero m’aiat naradau adÓsiu: “LÓ chi custa est democratzia. Como, finas tue chi non ses de Tzurp˛poli, ischis bene su chi narant acadŔmicos n˛didos: su Sardu no esistit, esistit unu territ˛riu chi li narant Sardigna partzida intre Logudoresos e Campidanesos Ŕsitu de una seletzione naturale in ue cromosomas diferentes ant formadu bucas diferentes chi ispadriant sonos diferentes”

“Ma inoghe semus chistionende de cosa iscrita, non de su faeddu e posca no est chi non b’at su Sardu ca b’at custa partzidura?” L’aia naradu deo sighende a fÓghere preguntas iscimpras: “Tando si unu est partzende in duos sa limba ca sa cosa est democrÓtica, est matemÓticu e finas l˛gicu chi at a Ŕssere prus democrÓticu si la partzimus in tres, ma ite, in bÓtor!”

Mai l’essere naradu: luego fia a in antis de sa commissione noa de Omero.

In ie aia cumpresu chi deo no aia cumpresu nudda de sa limba. T˛nio Pani, assessore a bolu de sas Traditziones de Cuartu m’aiat mustradu cantu sa Comuna sua aiat fatu pro sa limba: fortzis ammaniende “sciampitta” e ammentende is cantadas si faghet de a beru polýtica linguýstica. Oreste Pili, chi sighiat a faeddare in sa limba de Cabuderra (e a iscrýere?) ammentaiat cantu aiat fatu mescamente pro su Campidanesu in sa Provýntzia de Casteddu sena gastare no una, ma duas annualidades de sa lege 482 (est a nÓrrere 365 mýgia Ŕuros pro su 2007 e belle ateru e tantu pro su 2008), Mario Puddu mandadu a prop˛nnere una limba de mesania mi naraiat chi sa mesania est ammesturu sena cabu nen coa, ca in cussos chirros sa gente s’imbentat totu. Giulio Solinas m’aiat dadu comente solutzione custos faeddos:”braccia rubate all’agricoltura!” Ca su sardu no est un’Ŕssere sotziale ma un’Ŕssere “massaju” e b’at s’arriscu de pŔrdere sas allegas de sa “civiltÓ contadina” e duncas isportellistas istimados lassade lŔssicu artu e computer e aj˛ a marronare e pastinare in defensa de sa limba! Est tando chi aia preguntadu fintzas a Omero si podia impreare galu su malune pro leare su late ca su TETRAPAK non fiat faeddu sardu, (malaitos isvedesos!) e bi fiat s’arriscu de pŔrdere cussa allega.

“Su prof. Ferrer” m’aiat ammentadu Omero “narat chi pro gasi est mŔgius a seberare sa faeddada de una bidda ebbia o de chi no duos istandard naturales, unu pro pastores e unu pro massajos”. Deo semper prus tontu aia sighidu a preguntare: “Ma si leamus cussu de una bidda de monte, o in mesu de sa Sardigna, comente potzo fÓghere a faeddare de roba de mare? (e tando mi fia acatadu chi non fiamus petzi massajos e pastores ma finas piscadores)”

Omero nche fiat arrennegadu de a beru: “Bastat a leare in prŔstidu dae is Óteras variedades” m’aiat respostu.

Ma deo no aia acabadu cun is iscimpr˛rios: “ma de aici ses faghende una cosa ammesturada, ma ascurta o Omero, ma custos de sa commissione tua mi lu ischint nÓrrere pro ite unu istandard Logudoresu, unu Campidanesu o unu de una bidda ebbia de sa Sardigna est pru DemocrÓticu e Naturale de su chi b’at immoe?”

Omero aiat bortadu sa cara, castiende a Tzurp˛poli in s’iscurigada, cando sa b˛era de sa disinformatzione fiat calende a lenu•a lenu in sa tzitade e sa nŔula intraiat in sos aposentos de s’Universidade: “Nch’est tardu, non si bidet prus nudda, cras t’apo a torrare isceda. Stanne certo!”

No l’apo prus torradu a intŔndere.







 




 
 
 

 

 
diariulimba@sotziulimbasarda.net  ę sotziulimbasarda 2004-2008,"e' vietato riprodurre articoli originali o estratti da questo sito senza l'assenso della direzione"