Bi cheriat una boghe lėbera de a beru comente cussa de Radio Press,
emitente de Casteddu connota finas pro sos programmas in sardu, pro
bogare a craru s’iscāndalu de s’universidade antilimba. Sa die chi
s’Unione at atacadu sa Limba sarda comuna cun una pāgina intrea
apaltada a sos tzurpos de Campidānia, Vito Biolchini e Elio Turno
Arthemalle, condutores de “Buongiorno Cagliari”, ant imbetzes
disveladu a sos iscurtadores sos datos de comente sos ateneos sardos
ant gastadu su dinari de sas leges linguėsticas.
Faghende un’ōpera manna de informatzione, sos duos giornalistas ant
tzitadu datos chi non sunt segretos, ma sunt pųblicos ca sunt
cuntčnnidos in su Pianu triennale regionale de sa limba, dae in ue
si nde bogat sa realidade bera de chie traballat pro sa limba sarda
e chie colat su tempus a leare in giru sa gente faghende sa finta de
defensare sas variedades traditzionales ma in realtade cumbatende su
sardu, totu su sardu.
Comente at naradu Biolchini matessi non si podet pessare chi, a
pustis de annos e annos de lege 26/97, e de milliones de čuros
gastados, non tengiamus in Sardigna galu una catedra de limba sarda
chi podat pesare operadores e mastros de limba. Unu fallimentu
totale de sos investimentos chi sas universidades ant impreadu a sa
moda issoro: in Tātari aberende cātedras finas improbābiles
atzunghende su nųmene “sarda” e “Sardegna” a cursos e in Casteddu
faghende master a pagamentu (nointames su finantziamentu pųblicu).
Gosi amus tentu in Tātari “Filosofia morale della Sardegna” o
“Ecologia vegetale della Sardegna” e in Casteddu master indiritzados
culturalmente contra a su bilinguismu e finas unu master de”Esperti
della Pubblica Amministrazione in Sardegna” finantziadu cun sa lege
26. S’ųnica diferčntzia est chi sos turritanos ant gastadu totu,
mentres in Casteddu sunt resessidos a gastare petzi su 40% de sos
fundos.
In tantu sos giornales e sos acadčmicos sighint a mandare a in antis
una campagna denigratoria de sos chi traballant (meda e cun profetu)
in sa Regione e in sas Provėntzias cun sa Lsc cun s’agiudu de chie
non faghet nudda pro sa limba sarda e si callat a sa muda cando
depet criticare s’Universidade e sa Provėntzia de Casteddu chi ant
tentu unu muntone de dinari pro defensare su campidanesu e non l’ant
fatu. Oreste Pili, Antonio Pani, Mario Puddu podent čssere de a beru
cuntentos de su chi ant fatu paris cun Eduardo Blasco Ferrer,
acadčmicu catalanu contras a s’unidade de sa limba sarda chi su
sardu non lu faeddat. Sunt eroes de sa defensa de su campidanesu o
imbidiosos tzurpos malecuntentos?
Ma semus in Itālia o semus in sa Romania de Ceausescu? Est custa s’informatzione
chi si faghet? Mancu male chi b’est Radio Press. Mancu male chi
b’est ”Buongiorno Cagliari”. Mancu male chi Biolchini e Arthemalle
non los firmat nemos.
Pro nde ischire de prus:
http://www.sotziulimbasarda.net/settembre2008/provintziacasteddu.ht
http://www.sotziulimbasarda.net/agosto2008/BOLORESURSAS.htm
http://www.sotziulimbasarda.net/luglio2008/numerosuniversidade.htm
http://www.radiopress.it/
|