SU GIASSU
Domo
Ite est Diariulimba
Sa gerŔntzia de Diariulimba
Su S˛tziu Limba Sarda
Organigramma de su S˛tziu
LINKS
ARCHIVIU annu pro annu 
Pro retzire sa lýtera de noas
ISCRIENOS
diariulimba@sotziulimbasarda.net



Diretore: Pepe Cor˛ngiu       Coord.Editoriale: Micheli Ladu
NOAS

01/11/2006 
In LÓconi presentada de Antonandria pro su 3/11 

Un'Ótera faina culturale de importu in sa bidda de LÓconi. Chenapura chi benit 3 de su mese de Sant'Andria-Donniassantu a oras de sas chimbe e mesu de merie in su tzentru culturale de sa comuna presentada de su libru de PÓulu Pillonca "Antonandria". Reladores ufitziales Paolo Lusci e Peppe Cor˛ngiu. Ant a Ŕssere presentes su sýndigu Fausto Fulghesu e s'autore de su romazu ogetu de s'initziativa. sa faina est in intro de su programma "Laconi in scena" aparitzadu dae sa comuna cun sa cumpangia teatrale Antas. 


Antonandria est una bella prova de sardu impreau a manera pretzisa e deghile in unu testu literÓriu. 

Est unu de sos tretos prus artos l˛mpidos dae PÓulu Pillonca in sa vida artýstica sua chi nos at istrinadu poesias, ist¨dios e produtzione de limba sarda a livellu artu. 

Sos temas chi sunt prus istimados dae su Pillonca iscritore e ˛mine ddue sunt totus: s'identidade crara de sos sardos de sas biddigheddas de sa Sardigna interna, s'˛diu pro sas malifatias de sa giustitzia, s'amore ispirituale e sensuale, su sentidu de apartŔnnere a una comunidade antiga, s'amore pro sa limba comente Ónima de un'identidade sarda chi est minimandesi e riscat de no Óere tempus benidore. 

Sa trama de su romanzu movet dae sa morte de Sonazu, unu pastore de nomenada mala pro furas e isdorrobat˛rios, chi enit imputada a s'innotzente Antonandria, chi est innamoradu de sa bella pitzinna Juanna Monne. Ischende de su s¨ddidu de su magistradu Frassu contras a issu, su giovanu si fuet e si che ghetat a bandidare. Dae custu si isboligat unu intritzu de abenturas e fados chi decretant su ustinu de su bandidu e de sa bidda intrea. Sa fine de su romanzu no est iscontada pro nudda e aberit un'istagione noa pro totu sa comunidade. 

Sa limba (de sŔberu setentrionale) est manigiada cun s'arte e sa sapiŔntzia cun sas cales PÓulu nos at avesadu in custos annos. Est unu artisanu-artista Pillonca, gasi donosu e galanu, chi sa limba chi nd'arresurtat de su traballu suo paret naturale a beru mancari siat frutu de unu passientziosu e aficosu sedatzamentu e afinamentu fitianu. 

 



 

 
 
 

 

 
diariulimba@sotziulimbasarda.net  ę sotziulimbasarda 2004-2006,"e' vietato riprodurre articoli originali o estratti da questo sito senza l'assenso della direzione"