Est finida s'istajone de Elisabetta Pilia comente assessore de sa cultura regionale. Si nd'est andada in malas cun su presidente de sa Regione Renato Soru nende chi non b'aiat prus cullegialidade in giunta. A s'àtera ala l'ant respostu chi issa non fiat eleta, ma numenada a manera dereta dae su Presidente votadu dae belle mesu milione de sardos. Cun sa lege noa de eletzione dereta de su Guvernadore, est cambiada meda sa funtzione de su Cunsìgiu e de sos assessores chi sunt prus collaboradores de sa ghia de Regione chi non polìticos autonòmos. Faghet parte de sa leges non iscritas de sa polìtica totu custu. Comente siat siat, si congruit una fase e si nde aberit un'àtera fintzas pro sa polìtica linguìstica.