Su Sòtziu culturale “Colletivu Peppinu Mereu” ètat su bandu po su 2u Cuncursu Peppinu Mereu. S’idea est de afortigare s’iscritura e sa connoschèntzia de sa poesia in sardu. Su Cuncursu intrat in su disignu “Procusta terra rosas e beranos” postu in pè cun su contribbutu de sa Regione Autònoma de sa Sardigna -Assessorau de sa Pùbblica istrutzione, Benes culturales, s’Aministratzione comunale de Tonara –Assessorau Cultura Ispetàculu e Isport, sa Comunidade montana N. 12 Barbagia Mandrolisai - Assessorau a is Polìticas culturales, sa Provintzia de Nùoro - Assessorau Cultura e Isport.


Su cuncursu est dividìu in tres setziones. Sa prima setzione est po is classes de s’I.T.I. de Tonara e de is Iscolas maternas, elementares e mèdias de is Comunes de Aritzo, Atzara, Austis, Brebì, Dèsulu, Gadone, Meana, Ortueri, Ovodda, Sòrgono, Teti, Tìana, Tonara. Sa ‘e duas setziones est po totus is chi olent pigare parte. Po partecipare est a presentare una poesia in rima o in versos liberos, in in cale si siat variedade de sardu, chi non siet istetia pubblicada prima. A su primu postu s’ant a premiare duas poesias, una in rima e una in versos liberos.

Su primu premiu 600,00 € Su ‘e duos 400,00 € Su ‘e tres 20,00 €Sa ‘e tres setziones est solu po is tonaresos.Po partecipare est a presentare una poesia in rima o in versos liberos, iscrita in tonaresu e chi non sietistetia pubblicada prima.Su primu premiu 400,00 € Su ‘e duos 200,00 € Su ‘e tres 100,00 €In sa poesia si podet foeddare de unu tema seberau a pragere.

Is poesias si nne depent ispedire ai cust’indiritzu:

Segreteria de su Cuncursu: Collettivo Peppino Mereu Casella Postale 12 08039 Tonara (Nu).

Po partecipare ddu at tempus finas a su 20 ‘e magiu 2008.

Is premios s’ant a cunsignare in su Teatru comunale de Tonara.

Su bandu, su regulamentu e s’ischeda po s’iscritzione a su Cuncursu si podent istampare da-e su situ

www.peppinumereu.it.

Po ateras informatziones si podet mutire ai custos numeros: Tel. 3203312724 Tel. 3476822574.

Su Presidente de su Colletivu
Renato Poddie

Link a su bandu Mereu in iscola