In Piaghe sa serada ammaniada dae s’isportellu linguìsticu , dedicada a sa limba e a sa musica at àpidu resurtudas bonos meda.
In sa prima parte de sa serada, prus de chentu pessones ant ascrurtadu sos pitzinnos e sos piseddos (in totu batòrdighi), chi ant lèghidu su contu “Babbarròttu e Pippiriòlu” , inventadu e iscritu in limba sarda dae s’operadora de s’isportellu Anna Uleri e irrichidu, dae sos pintos de Michela Pinna.

S’operadora , umpare a babos, mamas, tzios e donnomannos, at sighidu pro duos meses e mesu sos pitzinnos, chi faeddaiant solu s’italianu, chirchende de lis fàghere connòschere sonos e paràulas de sa limba nadia.
Prus de bìndighi pessones, tra poetas de Piaghe istudiosos e tzitadinos ant lèghidu sas poesias e sos componimentos issoro.
Intre sos chi ant partetzipadu bi fiant: su sìndigu de Piaghe dut. Francesco Baule, su prof. Michele Pinna, su poeta Ziromine Zazzu, su prof. Salvatore Patatu e sa prof.ssa Vanna Ledda. 

Sa de duas partes de sa serada, organizada dae s’àteru operadore de s’isportellu, Raimondo Mulas, 
s’est tenta una dibata tra su etnomusicologo Fabio Calzia e s’organetista Carlo Boeddu subra s’impreu de s’organeto diatònicu in sa musica sarda; totos duos sunt de acordu chi puru si custu istrumentu non benit fatu in Sardigna, s’est adatadu bene meda a sa musica nostra; Est dimustradu fintzas dae sos istùdios fatos dae Giannatasio e Lortat-Jacob in s’otanta.
Sa serada s’est concluida arrejonende de su ballu sardu e faghende a bìdere unu video subra su sonete.