Tres dies cun sos tenores in Ollolai dae su 23 a su 25 de làmpadas. In sa comuna de sa Barbagia s'ant a atobiare sos grupos de cantu chi si reconnoschent in s'Assòtziu fundadu como pagu tenpus pro tutelare sa traditzione de boghe, mesu, bàsciu e contra. Sunt prevididos cuntzertos, mùsicas e unu cunvegnu dominiga a mangianu a subra de su pastoralismu. A merie presentatzione de sos libros "S'Arvule de sos sardos" de Micheli Ladu e "Guvernare cun sa limba" de Pepe Coròngiu.