Su expresidente de sa Generalitat de Catalùnia Jordi Pujol at afirmadu oe chi sa Crèsia faddit si, in relata a sa dibata in s'argumentu de s'Istatutu, siat gasi presumida de pretèndere de definire s'unidade de s'Ispagna che a unu balore morale proite, comente at ispricadu, intro de sa Cresia < b'at istadu sèmpere prus de una familia">. Custa crìtica Pujol l'at fata in s'interis de una cunferèntzia organizada dae sa Universidade San Pablo CEU cun su tìtulu "Catolicismo y España" inue s'est finas decraradu "ispantadu" e "in pedinu" pro su chi aeret pòtidu capitare in sa gerarchia eclesiàstica posca de sa essida de custas argumentatziones. Sena mancu lu nòmenare, Pujol s'est seguramente riferidu a s'arcipìscamu de Toledo Antonio Cañizares e a su cardinale Antonio María Rouco Varela. Custu ùrtimu at nadu in pùblicu chi <..unu cristianu tenet su dèvere de favorèssere e consolidare s'unidade de s'Ispagna>.