A pustis de su Montenegro at a tocare a su Kosovo? Pro su diplòmaticu danesu Soren Jessen-Petersen, su bisu chi tenent sos cossovaros de bènnere indipendentes at a reventire a intro de ocannu. <Pro su 2006 -at nadu s'inviadu de sas natziones unidas - credo chi sa Sèrbia at a dèpere renuntziare a mantènnere in intro de sas làcanas suas unu territòriu chi, si puru li aparteniat istoricamente, in sos ùrtimos annos est bènnidu famosu pro unu tentativu de "limpiadura ètnica" e interventu de sa Nato>. Custa terra est como amministrada dae unu guvernu, espressione de s'etnia mussulmana, chi s'apogiat a sas trupas militares internatzionales. Pro su Montenegro b'at cherfidu unu referendum, ma pro su Kosovo s'istrada at a èssere singiada dae sos acordos internatzionales.