SU GIASSU
Domo
Ite est Diariulimba
Sa gerŔntzia de Diariulimba
Su S˛tziu Limba Sarda
Organigramma de su S˛tziu
LINKS
ARCHIVIU annu pro annu 
Pro retzire sa lýtera de noas
ISCRIENOS
diariulimba@sotziulimbasarda.net



Direttore: Giuseppe Corongiu       Coord.Editoriale: Michele Ladu
NOAS

12/06/2006 
GrÓfica noa pro tempos noales
[de Peppe Cor˛ngiu]

Mirade, legidores de su giassu, sa grÓfica noa. Semus duos annos chi paris cun Micheli Ladu, e sos Óteros amigos de sa redatzione, amus mandadu a in antis s'initziativa de Diariulimba. Duos annos cÓrrigos de traballu, problemas, cuntentesas e disafios sŔmpere prus mannos. Dae custu giassu amus tentu impignu meda e dinare nudda (antzis amus gastadu), ca comente s'ischit, galu sas cÓscias de sos entes p¨blicos, e de sos sardos matessi, non sun prontas pro cumprŔndere su chi cherimus fÓghere nois. 

Cun custu bos cumbidamus galu a nos agiudare e a imbiare iscritos, artýculos e interventos. Custu giassu bivet de chie li giaet sÓmbene. 

Nois amus detzisu de non nos frimmare e provare, cun pecos meda ma cun bona volontade puru, de mantŔnnere unu logu, o giassu, o situ comente si narat, chi esseret istadu una sea n˛dida de informatziones, dibata e cumcÓmbios in argumentu de limba sarda. Custu pro prop˛nnere sŔmpere unu puntu de ida nostru a pitzu de sas chistiones linguýsticas e polýticas. A bias bi l'amus fata, a bias amus rallentadu ca in sa vida faghimus Óteros traballos e cun sa limba sarda non nos campamus.

In custu tretu, paris cun su S˛tziu Limba Sarda, chi est sa domo e sa mamma de Diariulimba, nos ant acumpangiadu amigos, innimigos, gente traitora e interessosa, currispondentes e simples legidores. Amus criadu ocasiones, fatu progetos, batidu dinare, fatu traballare giovanos disocupados. A bias nos ant furadu su nostru. Intames de nos torrare grÓtzias nos crisant e atacant. 

Ma no ddi faghet nudda. Dae su sacu nde essit su chi ddue est e sa vida cualificat sas persones. Su chi contat de prus pro nois est su bene de sa limba chi est su matessi p˛pulu sardu. In custa positzione semus frimmos sena mancu pensare a bias a su bene nostru. Amus riscadu e riscamus meda, cada die. Naramus sŔmpere su chi pensamus, pitorras a su bentu e a su prummu, fintzas cando no est popolare o demag˛gicu. 

Amigos nd'amus balangiadu in custos annos e nd'amus pŔrdidu. PassiŔntzia. 

Sa vida est fata de custas cosas puru. Su chi amus chircadu est de non fÓghere mancare mai est s'onestade e sa lealtade chi nos benit dae sa cultura sarda chi amus sutu dae minores in sas biddas nostras e chi pro cuddos nÓschidos in tzitade est "incomprensibile". Fintzas in sas cuntierras, chi amus fatu cun atza (cando serviat), ma sŔmpere rispetende s'aversÓriu e chirchende de nos frimmare unu azigu in antis de fÓghere dannu. 

Como su tempus est cambiadu. Sas amighŔntzias puru, fortzis. O sas alleÓntzias. Non semus prus dispostos nois de su S˛tziu Limba Sarda a sighire gherras e cuntierras chi non tenent mai congruos.

Semus traballadores, non gherradores. E sa limba sarda minescet inc¨ngia, non pruine de brigas a supriu. 

Su Guvernu Sardu at detzisu - barighende fintzas resistŔntzias e incumpetŔntzias de chie non cheret e non bolet ghelare mai - ca sa limba istendardu amministrativa de sa Sardigna est sa Limba Sarda Comuna. Nois aimus giai nadu in antis chi, calesisiat resurtadu esseret essidu dae sa cummissione, nos esseremus impignados a ddu rispetare. E gasi semus faghende cun coerŔntzia e umilidade. 

Totu s'Óteru sunt z¨mmios chi l˛mpent a sas origras o sinnos currende in sos giornales chi non lassant arrastu, comente orminas de pedes in sa rena. 

P˛beru chie at bis˛ngiu de brigare totu sa vida pro una grafia o pro un'Ótera sena ischire ite iscrýere e nÓrrere chi apat pesu...

Contat de prus su chi unu pensat e narat, non comente iscriet. MŔngius a faddire sos acentos chi sos pensamentos... 

Ddu torro a nÓrrere: semus traballadores nois de su S˛tziu, non gherradores de professione. E bolimus ghelare. Fintzas proite tenimus ideas, propostas, cosas fatas e de fÓghere chi presentamus a s'opinione p¨blica, a su mundu editoriale, a sa polýtica, a sos innimigos chi in capas non sunt prus e a sa cuscŔntzia nostra. E semus sŔmpere dispostos a imparare, ca s'umiltade non nos mancat e non pensamus nen de Ŕssere sos primos, nen sos ¨nicos. 

Si amus a pŔrdere amigos, passiŔntzia. Amus a balangiare prus tempus pro nois e sas familias nostras chi cun corÓgiu nos permitent de giare aficu a custa potentosa passione pro sa limba de su p˛pulu nostru, mancari siat dannÓrgia pro su bilantzu familiare e pro sa carriera. 

Sos seberos chi amus fatu e amus a fÓghere sunt pro traballare e prod¨ere cosas de bundu. Sas cuntierras (cando non l˛mpent a nudda) faghent esistire a chie non faghet nudda o faghet pagu e male. O meda e male su matessi. Sighire in custa cuntierra eterna est unu errore polýticu e umanu chi amus a denuntziare. 

Chie depet cumprŔndere, cumprendat. 

Mirade, legidores de su giassu. Custa est sa grÓfica noa de Diariulimba. Sinnu a craru de tempos e pensamentos noos. E ˛peras noales, ca sunt cussas chi servint. 



Peppe Cor˛ngiu 





 

 
 
 

 

 
diariulimba@sotziulimbasarda.net  ę sotziulimbasarda 2004-2006,"e' vietato riprodurre articoli originali o estratti da questo sito senza l'assenso della direzione"