Retzimus cun piaghere su resumu de una faina de solidariedade chi s'est àpida pro custas festas coladas de nadale. Nos l0as imbait Antonella Licheri chi traballat in s'ufìtziu de sa limba sarda de Duarche, in provìntzia de Nùgoro. Su 23 de nadale de su 2007, in sas primas oras de su sero, oto giòvanos de s'Assòtziu, sunt andados a s'ispidale de Nùgoro ant visitadu totus sos repartos mescamente su de Pediatria e su de Geriatria, regalende a sos ricoverados allegria, unu donigheddu e sos augùrios de una guarigione lestra.


Comente prevìdidu dae su Programma de sas atividades e cun sos lìmites de su dinare disponìbile, s'Assòtziu pro rispòndere a esigèntzias de òrdine culturale, sotziale e umanitàriu, finas cust’annu at organizadu sas Festividades de Nadale chi si sunt festadas comente sighit:

Duarche - NADALE 2007

S'Assòtziu, in ocasione de su Nadale, at organizadu sa festa de Babbu Nadale.

Finas ocannu, su 22 de nadale de su 2007 sos giòvanos de s’Assòtziu, sunt resurtados a trasinare carchi istudente de s’Universidade de Casteddu e paris sunt andados a s'ispidale BROTZU pro visitare sos pitzinnos ricoverados in su repartu de pediatria. Mancari sa suferèntzia, in sas caras de custas creaturas s'est bida s'allegria e pro unu pagu ant ismentigadu suferèntzia e dolore. Amus allegradu pro unu pagu sas vidas issoro; est istada un'esperièntzia forte e galana suta de cada puntu de vista.

Su 23 de nadale de su 2007, in sas primas oras de su sero, oto giòvanos de s'Assòtziu, duos bestidos de Babbu Nadale e ses in costùmene sardu, acumpangiados dae s'organete chi sonaiat sas melodias de su ballu tìpicu de Duarche sunt andados a s'ispidale de Nùgoro ant visitadu totus sos repartos mescamente su de Pediatria e su de Geriatria, regalende a sos ricoverados allegria, unu donigheddu e sos augùrios de una guarigione lestra.

EPIFANIA 2008

Su 6 ghennàrgiu 2008, su sero a ora de sas bator e mesu, su grupu (Befanas e giòvanos in costùmene) est andadu a s'ispedale Santu Frantziscu de Nùgoro, si sunt visitados totus sos repartos mescamente su de Pediatria e su de Geriatria, leende a sos ricoverados allegria, e posca unu donu: sa cartza de sa Befana e sos augùrios de Bonas festas e guarigione lestra.

Sos piciocos de su grupu si sunt esibidos pagu prus o mancu in totus sos repartos allegrende s'àera cun sonos e ballos sardos trasinende in sos ballos finas carchi degente e volontàrios presentes a s'ora.

Pro custas festas de Nadale e de s’Epifania pro sa segunda borta si sunt trasinados sos istudentes universitàrios de Casteddu e àteros giòvanos de sas làcanas, afortighende sa solidariedade e sa cultura de dare a sos àteros..

Su sutascritu, Pinna Danilo, Presidente de s'Assòtziu, a nùmene suo pessonale e de totus sos sòtzios, torrat gràtzias cun su coro a totus sos chi ant collaboradu pro sa bona resurtada de s'initziativa de importu morale e umanitàriu mannu.

Gràtzias a totus ca est istadu possìbile acortziare meda gente (setighentas pessonas) cun problemas diversos, ma nois, bestidos chie cun su costùmene sardu, chie de Babbu Nadale, chie de Befana o de Re, cun gestos semplitzes comente unu sorrisu, una istrinta de manu e un'augùriu sintzeru e cardu: A'teros Annos Mègius Cun Salude amus fatu vìvere unu momentu de allegria. 
In presèntzia nostra totus: mannos e piticos, mancari pro pagu fint allegros e serenos. 

Torramus gràtzias:
 Aministratzione Comunale Duarche
 Tzilleri Sa Mariposa, Macumere;
 Carabineris de Duarche
 Edìcola Piga Patrizia, Macumere;
 Don Giancarlo Norio Prèide de Duarche
 Panifìtziu Leonardo Atzori, Macumere
 Demuru Enrico Ofìtzina mecànica,Noragugùmene
 Cumèrtziu de Linna Ignazio Puggioni Duarche
 Apotecaria Puddu, Esterzili (NU)
 Agenzia Viaggi Tizi.Mike Macumere
 Operadores cumèrtziu Ambulante Duarche
 Ufìtziu de sa limba sarda, Duarche
Pro more custa initziativa amus retzidu meda reconnoschèntzia in cale si siat logu nos semus presentados. Sos giòvanos de s'Assòtziu ant vìvidu un'esperièntzia manna de solidariedade chi deo àuguro chi potzant torrare a ripìtere e a la mantènnere in su tempus









GRA'TZIAS A'TEROS ANNOS ME'GIUS CUN SALUDE E ALLEGRIA





Duarche ghennàrgiu 2008 Su Presidente




Danilo Pinna 



Imbiadu dae Antonella Licheri


Assòtziu Culturale e Ricreativu Traditziones Popolares
Grupu Folk Santu Lenardu Duarche
Carrera “Carlo Felice”, n.20 - C.A.P. 08010 DUARCHE
-cell.3401058035 - 3289648311
C.F.n.92001310918
* * *

FESTA DE NADALE 2007 - FESTA DE S'EPIFANIA 2008

INITZIATIVA DE SOLIDARIEDADE
PRO SOS BETZOS E SOS MALA'DIOS

R E L A T Z I O N E