SU GIASSU
Domo
Ite est Diariulimba
Sa gerèntzia de Diariulimba
Su Sòtziu Limba Sarda
Organigramma de su Sòtziu
LINKS
ARCHIVIU annu pro annu 
Pro retzire sa lìtera de noas
ISCRIENOS
diariulimba@sotziulimbasarda.net



Diretore: Pepe Coròngiu       Coord.Editoriale: Micheli Ladu
NOAS

01/02/2007 
Su bilinguismu faghet bene a sa salude 

Su bilinguismu est bonu non petzi pro s'identidade, ma finas pro sa salude. A bisu de duas inchestas fatas in su 2004 e 2006, a faeddare duas limbas faghet bene pro sos probremas de betzesa e demèntzia. Segundu su primu istùdiu, pubricadu in su 2004 dae Ellen Bialystock de sa York University de Toronto (Canada), s'est iscobertu chi sos sìntomos de seneghèntzia, o senilidade, essint a campu in sos sugetos chi faeddant una limba ebbia a s'edade mèdia de 71,4 annos, mentres in cuddos bilingues a s'edade de 75,5. S'àtera chirca, pubricada dae sa matessi universidade de Toronto in su 2006, at bogadu a craru chi sos sintomos de demèntzia pigant a sos bilingues bator annos a pustis de cuddos monolingue. Non b'at a ite nàrrere pro chie leat a cunsideru su bilinguismu sardu comente una maladia. 


fonte: eurolang 




 

 
 
 

 

 
diariulimba@sotziulimbasarda.net  © sotziulimbasarda 2004-2006,"e' vietato riprodurre articoli originali o estratti da questo sito senza l'assenso della direzione"