Unu de sos diàrios bascos prus importantes, Berria, at faeddadu sa die 17 de abrile, in sa pàgina culturale de sas chistiones linguìsticas de Sardigna. At mentovadu chi in sa regione nostra est istada aprovada una norma istandard cramada Limba sarda comuna e at annotadu sa essida de su libru "Pro sa limba ufitziale" de Giuseppe Coròngiu. Est oramai làdinu chi a livellu europeu ispetzialìsticu e polìticu b'at unu interessu mannu pro su tratamentu de su sardu a livellu ufitziale. E in domo nostra? S'idea chi galu triunfat in argumentu de identidade linguìstica est cussa folclorìstica e antropològica. Unu maistru chi faghet resòrgias balet prus de calesisiat modernista de sa limba. .