© LimbaSarda 2004

 

 

 

 

 

 

 

 

 

 

22/04/2005 Poesias

Fèmina

de Cristiano Becciu

Fémina


E tando nara

pruite mi chimento sos tzelembros:

mannales addesco

in picas de conca

ca tue

chessa murichessa

lozu lizu

in s' iscia lanza

de sa die.



E tando fala

trainu muizosu de s' isetu:

espeterranza duda

in sa luzana 'e su coro

e tue

mariposa tilipirche

ua lua

in s' iscia lanza 

de sa die.



Fémina

sonu trazadore

ca ses nébida,

bolu traitore

ca ses déchida

e sémida 

inue rujant

sentidos e carres.



Sèmene trèmene

cando sa 'oghe tua

puzonat suzonat

sos sonnios.

A segus