ę LimbaSarda 2004

 

 

 

 

 

 

 

 

 

 

12/08/2005 Parres lýberos

"Non semus italianos e non l'amus a Ŕssere mai"

de Peppe Luisi Pala


E dringhili.....namus nois.....
Custa " mama " italia degenere, guvernada dae cussos fidzos suos che a issa,(e dae caligunu nostru puru, chi de nostru fortzis tenet pagu), " veros amigos " de sa Sardigna e de su Populu chi dae midzas de annos l'abýtat, primu faghet sas ledzes e a pustis no las ponet in pratiga.
No est cosa de ispantu...... est solu unu sighire malu chi faghet a
cumprendere, si ancora bi nd'at bisondzu, in cale cussideru fimis tentos primu e semus tentos como...... e ...... in cale amus a essere tentos crasa.
Custu faghere issoro, l'amos bidu fintzas como po cantu riguardat s'opera de Columbu, primu nos dant sa ledze 482 ( no de piaghere issoro, ma suta s'ispinta de una normativa europea) subra su riconnoschimentu de su bilinguismu, a pustis negant sos finantzamentos a s'opera in chistione ca, nachi est in "dialetto," ( ite cheret narrere dialetto- boh?) est limitadu territorialmente..... e ducas sa dzente no lu cumprendet :
E chie puru est "Dzuighe" in custa commissione ministeriale?
Unu chi fintzas a deris faghiat su seletzionadore de "Lolite" e "Non Ŕ la Rai", unu, chi sa cultura li bundat chei s'abba ind'una puntana sica,
bonu po totu sas stagiones ......a totu malandare no ischit issu e no
ischint issos chi bi sunt puru sos sutatitulos?
Semus tentos in cussideru mannu solu cando nos tepent carrigare de terachias e bases militares, o de palas po sa produidura eolica,..... lassademilu pessare e narrere...... muntonardzos,...... e mancu de cussu nde tenimus profetu ca nos dana una limusina e s'alga, totu s'alga abarrat a nois.
No bastat cussu... in sas bases isperimentant e proant sas porcherias
chi poi impreant in ateros dzassos de su mundu po "esportare sa
democratzia."(cussa minuda).
Allogant sas bases puru a sas ateras Natziones a sa "Miseria"
de " chimbantamidzas" euros 'ora.
Inoghe, in sa "Colunia", cussos podent isperimentare e proare su chi in logu issoro no podent, o no cherent isperimentare. A pustis de custa passada de crebos chi custa "patria benigna" nos est regalende, no cumprendo comente si potat bistare chietos chena protestare......in'ue est andadu a finire (a su narrere de Togliatti) cuss'istintu de ribellione chi sos Sardos giughent in s'indole e ant in medas occasiones manifestadu?
Custu modu de faghere issoro mi faghet cumprendere chi nois faghimos si parte politicamente de s'italia, ma no essende naschidos cun issos, no semus contados che a issos .
Mi 'enit a conca semper pius frequentemente cussas paraulas de Antoni Boricu Mossa chi narat: NOIS NO SEMUS italianos,E PODET ESSERE SA MALASORTE NOSTRA;CHI NO L'AMUS A ESSER MAI............ in bonora -
Peppe Luisi Pala - Bosa

A segus